Arınc: “Abdullah Gülə “sədr ol” desək, sözümüzü yerə salmaz”
Bizi izləyin

Dünya

Arınc: “Abdullah Gülə “sədr ol” desək, sözümüzü yerə salmaz”

Ərdoğandan sonra AKP-yə kim sədrlik edəcək? Baş nazir kim olacaq? Bu suallara baş nazir müavini Bülənt Arınc, nəhayət ki, cavab verdi.

Türkiyənin hakim partiyası AKP-nin uğur qazanmasının səbəbi partiyanın sədri və baş nazir R.T.Ərdoğan olması şübhəsizdir. Partiyanın millət vəkilləri arasında keçirilən imzatoplama kampaniyası nəticəsində Ərdoğan prezidentliyə namizəd oldu. Bundan sonra hamını maraqlandıran “Ərdoğandan sonra AKP-yə kim sədrlik edəcək?”, “Baş nazir kim olacaq?” suallarıdır. İndiyədək heç bir AKP funksioneri bu suala konkret cavab verməyib.

Publika.az “Hürriyət”ə istinadən xəbər verir ki, seçkinin yaxınlaşdığı bir zamanda AKP-nin ağır artilleriyalarından olan baş nazirin müavini Bülənt Arınc bu sualları cavablandırıb:

Oktyabrda sədr seçiləcək

“Cənab baş nazirimizin namizədliyi qeydə alınandan sonra baş nazirlik bitəcək. Müvəqqəti baş nazir seçiləcək. Oktyabrda da partiyaya sədr seçiləcək. Ondan sonra isə 2015-ci ilədək partiyamızı hökumətdə saxlamaqdır. İnşallah, 2015-ci ilə qədər partiyamızı hökumətdə saxlayacağıq. Və o seçkidən də uğurla çıxacağıq”.

Abdullah Gül sədrliyə namizəd ola bilər

“Oktyabrdakı qurultayda partiya istəsə, məsləhətləşmələr olacaq. Abdullah Gülün namizəd olmağını istəsək, təbii ki, cənab Gül bu tələbimizi yerə salmaz. Sədrliyə namizəd olar. Gül bu millətin sevdiyi əqidədaşımızdır. Uğurlu prezident olub. Partiyamızın sədrliyinə yaraşacaq şəxsdir”.

Vüsal Tağı

Oxumağa davam et
Reklam
Reklam

Gündəm