Penitensiar xidmətin 19 əməkdaşı ədliyyə orqanlarından qovulub
Bizi izləyin

Qırmızı.az

Penitensiar xidmətin 19 əməkdaşı ədliyyə orqanlarından qovulub

Bu ilin 6 ayı ərzində ədliyyə Nazirliyi Penitensiar xidmətin 180 əməkdaşı müxtəlif intizam məsuliyyətinə cəlb olunub.

Publika.az-ın Penitensiar xidmətin saytına istinadən verdiyi məlumata görə, bu barədə xidmətin 2014-cü ilin birinci yarım ili ərzində fəaliyyətinin yekunlarına həsr olunmuş müşavirədə bildirilib.

Penitensiar xidmətin 180 əməkdaşı müxtəlif intizam məsuliyyətinə cəlb olunub, 19 əməkdaş isə fəaliyyətdə yol verdiyi müxtəlif ciddi nöqsan və pozuntulara, habelə xidmətdən kənar əlaqələrə görə ədliyyə orqanlarından xaric edilib.

Hesabat məruzəsi ətrafında bir sıra cəzaçəkmə müəssisələrinin və İstintaq təcridxanalarının rəisləri çıxış ediblər.

Ədliyyə Nazirinin müavini, Penitensiar xidmətin rəisi Mədət Quliyev mövcud olan nöqsan və pozuntulara diqqət çəkərək, fəaliyyətin daha da təkmilləşdirilməsi ilə bağlı hər bir xidmət sahəsi üzrə tapşırıqlar verib, işin səmərəliliyinə və səylərin artırılmasına nail olunması məqsədi ilə xidmət rəhbərliyi tərəfindən əlavə tədbirlərin müəyyənləşdirildiyini diqqətə çatdırıb.

Oxumağa davam et
Reklam
Reklam

Gündəm