Qırmızı.az

ANS: “Günün ikinci yarısında əyləncəli verilişlər verilməyəcək”

1 Avqust 2014 14:34

"11 şəhid böyük itkidir, günün ikinci yarısında bütün əyləncə proqramları çıxarılacaq. Yəqin ki, kino, yaxud fərqli veriliş veriləcək". Bunu Publika.az-a açıqlamasında ANS Şirkətlər Qrupu prezidentinin media üzrə müşaviri Mais Məmmədov deyib. O, Azərbaycan ordusunun 11 şəhid verdiyi vaxtda telekanalların bu barədə məlumat vermək əvəzinə, əyləncəli proqramlar verməsinə münasibət bildirib.

Şəhid xəbərlərinin kiçik anos şəklində verilməməsi və xəbər saatının gözlənilməsinə gəldikdə, M.Məmmədov bildirib ki, anspress.com, ANSFM-də bu məlumatlar verilmişdi.

“Bundan başqa, 3 saatdan bir “Xəbərçi”də bu barədə məlumatlar verilir. Bildiyim qədəri ilə bizdə səhər saatlarında əyləncəli proqram olmur. Bundan başqa, verilişlər dayandırılsa, nə olacaqdı? Şəhidləri geri qaytarmaq mümkün olmayacaq”.

Gülxar