Digər
İstefa mədəniyyətdirmi?
FAKT
“Cənab sədr qurultay çağıracağını açıqlayıb. Mən də ən qısa zamanda sədr müavinliyi vəzifəsindən istefamı irəli sürəcəyəm. Qurultayımız gənclərimizə, uşaqlarımıza, gələcəyimizə ümid olsun”. - M.İncə
ŞƏRH
Dünən Türkiyə ictimaiyyəti üçün iki mühüm istefa xəbəri oxuduq. Ana müxalifət partiyası olan CHP-nin əsas simalarından Məhərrəm İncə istefa verəcəyini, partiyasının təcili qurultaya getməli olduğunu bildirdi. Digər önəmli xəbər isə “Hürriyyət” qəzetinin məşhur köşə yazarı Yılmaz Özdilin uzun illərdir çalışdığı qəzetdən istefa verməsi oldu. Yılmaz Türkiyənin yeni prezidenti Ərdoğan haqqında yazdığı sərt yazının yayımlanmamasına etiraz olaraq qurumu tərk etmişdi.
Məhərrəm İncənin istefası və qurultay tələbi olduqca təbiidir.
Əgər bir partiya seçkilərə öz nümayəndəsini çıxarmırsa, digər güclü
bir partiya ilə birləşərək ortaq namizəd qəbul edirsə və bu ortaq
namizəd hakim partiyanın nümayəndəsinə məğlub olursa, o zaman
partiya başqanının istefa verməsi ən doğru addımdır.
Kemal Kılıçdaroğlu daha neçə dəfə Ərdoğan qarşısında məğlub
olmalıdır? Kılıçdaroğluna görə daha neçə peşəkar funksioner ikinci
planda qalmalıdır?
İstefalar böhran yaratmaq üçün deyil, partiyalardakı böhranı
aradan qaldırmaq üçündür.
İstefalar partiya daxilində canlanmanın yaranması, alt pillədə
qərar tutanların üst pilləyə doğru qalxma şansının, özünü ifadə edə
bilməsinin bir yoludur.
İstefalar həmçinin demokratiyanın bir parçasıdır, bir qurumu idarə edə bilməyən, sistemi işlək vəziyyətdən salan və avtoritarlaşmağa doğru aparan liderdən xilas yoludur.
Amma hakimiyyət iddiasında olan, bir neçə məğlubiyyətdən sonra geri çəkilməyərək yenə də məğlubiyyətə uğrayan liderlər əsla istefa vermək istəmirlər. Çünki heç kim partiya tarixinə uğursuz siyasətçi kimi düşmək istəməz. Ona görə də alt pillədən basqı gəlmədiyi təqdirdə ən üst kürsüdə əyləşən lider əsla öz postunu buraxmaq istəməyəcəkdir.
Bu baxımdan ən önəmli sual meydana çıxır: Alt pillədə təmsil olunanlar liderin istefasını istəyirlərmi, yoxsa liderdən asılı qalıb mövcud durumu qurtarmaq istəyirlər?
Azərbaycan siyasətində ikinci variant daha çox üstündür. Təsəvvür edin, son prezident seçkilərində Sərdar Cəlaloğlu istefa verdikdən sonra, alt pillədə təmsil olunan siyasilər bu şansı dəyərləndirmək, önə çıxmağı istəməkdənsə, istefa vermiş, uğursuzluğa düçar olmuş lideri yenidən partiyaya qaytardılar. Bu isə ölkə partiyalarının lider ətrafında formalaşan partiya tipi olduğunun bariz nümunəsi idi.
Amma Türkiyədə uzun illər partiya mədəniyyəti olduğuna görə, mütləq ki alt pillədə təmsil olunanlardan kimsə Kılıçdaroğluna “get” deyəcəkdi. Bu Məhərrəm İncə oldu. Görünür, istefa tələb edən İncə, eyni zamanda, başqanlığa da iddialı olacaq.
İndi isə Kılıçdaroğlunun sərgiləyəcəyi mədəniyyət nümunəsi qalır. İstefa mədəniyyəti...
-
Sosial01:01
Azərbaycana qaytarılan dörd kəndin sakinləri DANIŞDILAR - VİDEO
-
Qoroskop00:31
Günün qoroskopu: köklü yeniliklər başlanır
-
Magazin119 Aprel 23:15
Nazpəri illər sonra İlhamə Quliyeva ilə küsülü olmasının səbəbini açıqladı - VİDEO
-
Hadisə19 Aprel 22:48
Bakı metrosunda OLAY
-
Nida Xəbər 19 Aprel 22:24
4 kənd qayıtdı - Növbəti mərhələdə nə var?
-
Dünya19 Aprel 22:12
Ukrayna Rusiyanın hərbi obyektlərini vura bilər - NATO-dan TAM DƏSTƏK
-
MDB19 Aprel 21:50
95 yaşlı diplomat öldü
-
Nida Xəbər 19 Aprel 21:20
Sərhədin delimitasiyası başladı: İrəvan dərhal Tehrana hesabat verdi