Qırmızı.az

İcra Hakimiyyətindən toy günü qaçan gəlinlə bağlı AÇIQLAMA

27 Avqust 2014 13:21

“Muxas kəndində qızın qaçırılması ilə bağlı məlumatın şişirdilməsinə ehtiyac yoxdur. Bu, adi qızqaçırmadır. Qonşu kəndlərdə belə hadisələr çox olur”.

Bunu Publika.az-a açıqlamasında Oğuz rayon icra Hakimiyyətinin şöbə müdiri Saleh Məhərrəmov deyib.

Qaçırılan qızın yerinə bacısının verilməsinə gəldikdə, icra nümayəndəsi bunun doğru məlumat olmadığını dedi.

Qeyd edək ki, avqustun 23-də 18 yaşlı Sevinc Orucova toyuna az qalmış evdən qaçıb. Yayılan məlumatda bacısının onun yerinə ərə verilməsi də qeyd edilib.

Oğuz Polis Şöbəsindən Publika.az-a verilən məlumata görə, Sevinc istədiyi oğlana qoşularaq qaçıb. Buna səbəb isə onun istəmədiyi adama ərə verilməsi olub.

Gülxar