Dünya

İŞİD kürd döyüşçünün başını kəsdi – VİDEO / 18+

29 Avqust 2014 17:09

Terror təşkilatı Şimali İraqda döyüşdüyü kürdlərə gözdağı olaraq bir döyüşçünün başını kəsdiyi videonu yayımlayıb.

Publika.az xəbər verir ki, İraq Şam İslam Dövləti (İŞİD) terrorçuları “Youtube” videopaylaşım saytında yeni bir video paylaşıb.

Məhbus geyimində görüntülənən bir şəxsin peşmərgə olduğu qeyd olunur. Daha sonra İŞİD-in nəzarətində olan İraqın Mosul vilayətindəki məscidlərdən birinin qarşısında onun başı kəsilir.

Həmçinin videoda kürd liderlərin ABŞ-ı dəstəklədiyi müddətcə başqa kürdlərin də başının kəsiləcəyinə dair təhdidlərə yer verilib.

Xatırladaq ki, Şimali İraqda peşmərgə qüvvələri (İraq Kürd Regional Rəhbərliyini (İKRR) qoruyan silahlı qruplaşma – red) İŞİD-i məhv etməyə çalışır. Bunun üçün də ABŞ kürdlərə havadan dəstək verir. İŞİD bundan əvvəl əsir götürdüyü Suriya əsgərlərinin kütləvi şəkildə öldürülmə videosunu yayımlayıb.