“Azadlıq” radiosunun və qəzetinin fəaliyyətinə baxıla bilər – YAP-dan AÇIQLAMA
Bizi izləyin

Qırmızı.az

“Azadlıq” radiosunun və qəzetinin fəaliyyətinə baxıla bilər – YAP-dan AÇIQLAMA

“Azadlıq radiosunun və qəzetinin fəaliyyətinə “Kütləvi İnformasiya Vasitələri (KİV) haqqında” qanunun tələblərinə uyğun olaraq baxıla bilər”.

Bunu Publika.az-a açıqlamasında hakim Yeni Azərbaycan Partiyasının (YAP) icra katibinin müavini, Milli Məclisin deputatı Siyavuş Novruzov bildirib.

Onun sözlərinə görə, istənilən təşkilat və ya nümayəndəlik Azərbaycan qanunlarının tələblərini pozursa, o zaman qanuna müvafiq şəkildə onların fəaliyyətinə baxılır.

S.Novruzov deyib ki, akademik Ramiz Mehdiyevin KİV-lərlə bağlı qaldırdığı məsələ çox ciddi əhəmiyyət daşıyır:

“Həm Cənab Prezident İlham Əliyev, həm də Ramiz müəllim bu məsələyə vaxtında diqqət yetirdi. Beynəlxalq praktikada da göstərilir ki, ordu ilə bağlı hər hansı məlumatı Müdafiə Nazirliyindən rəsmi şəkildə dəqiqləşdirilmədən yaymaq bilavasitə təxribat xarakteri daşıyır. Bu, dünyanın bütün dövlətlərində belədir. Ona görə də “Azadlıq” qəzeti və “Azadlıq” radiosu da bu cür məlumatların yayılmasından və digər bu kimi təxribatlardan istifadə edir”.

Vasif Həsənli

Oxumağa davam et
Reklam
Reklam

Gündəm