Ekopublika.az

Avropa bu həftə ərzində Rusiyaya yeni sanksiyalar tətbiq edəcək

2 Sentyabr 2014 15:48

Ukrayna böhranı Avro Bölgəsi iqtisadiyyatına mənfi təsir edib, Avropanın ən böyük iqtisadiyyatı Almaniyada ümumi daxili məhsul ilin ikinci rübündə gözlənilmədən kiçilib.

Publika.az Federal Statistika Ofisinə istinadən xəbər verir ki, Almaniyada ÜDM 0.2 faiz daralıb. İqtisadiyyatındakı gözlənilməz daralma 2014-cü ilin ilk rübündə reallaşan 0,7 faizlik yüksək artımdan sonra baş verib.

İqtisadçılar hesab edir ki, Rusiya və Ukrayna arasındakı qarşıdurmalar Avropa bazarlarına təsir edib: “Alman iqtisadiyyatı da bu təsirlərdən kənarda qalmayıb. Avropa bu həftə ərzində Rusiyaya yeni sanksiyalar tətbiq etməyə hazırlaşır."

Almaniyada şirkətlərin sərmayələrindəki sürətli eniş isə Avropa Mərkəz Bankının rəhbəri Mario Draghinin təhlükə xəbərdarlıqlarını təsdiqləyib.

İqtisadiyyat şöbəsi