“Facebook”a görə arvadını öldürdü - TƏFƏRRÜAT

Türkiyədə dəhşətli cinayət hadisəsi baş verib.

Teleqraf.com xəbər verir ki, həyat yoldaşına 10 bıçaq zərbəsi vuran 2 uşaq atası törətdiyi cinayəti etiraf edib. Məlumata görə görə, R.D. 38 yaşlı həyat yoldaşı ilə sosial şəbəkədə hesab açadığı üçün mübahisə etməyə başlayıb. Elə bu səbəbdən 10 illik evli olan cütlük bir müddət ayrı evlərdə yaşamağa başalyıblar. Daha sonra isə qohumların təkidi ilə barışıblar.

Buna baxmayaraq R.D. həyat yoldaşının sosial şəbəkədə çox vaxt keçirdiyini və "Facebook"da tanış olduğu kişi ilə ona xəyanət etdiyini irəli sürərək yenidən mübahisə etməyə başlayıb. Getdikcə şiddətlənən mübahisə sonda ölümlə nəticələnib. Əsəb sarsıntısı keçirən ər mətbəx bıçağı ilə həyat yoldaşına 10 bıçaq zərbəsi vuraraq onu qətlə yetirib. Hadisə yerinə gələn təcili yardım birqadasının bütün səylərinə baxmayaraq Şəkər Dikbıyıklının həyatını xilas etmək mümkün olmayıb.

Əməlindən peşman olduğunu deyən R.D. şəhər hüquq-mühafizə orqanları tərəfindən həbs edilib.

Faktla bağlı cinayət işi açılıb.