İdman

Onu it kimi peşman edəcəklər

17 Sentyabr 2014 13:39

Türkiyənin heyvansevərlər cəmiyyəti “Fənərbaxça”nın qapıçısı Volkan Demireli məhkəməyə verir.

Heyvansevərlər Volkanın, "Qalatasaray"ın "Pitbull" ləqəbli futbolçusu Meloya "Bələdiyyə küçə itlərini zəhərləsin" deməsindən qeyzləniblər. Publika.az xəbər verir ki, “Heyvanları Çarəsizlik və Laqeydlikdən Qoruma Dərnəyi”nin üzvləri prokurorluqdan Volkana cinayət işi açılmasını istəyib.

Heyvansevənlərin iddiası təmin olunsa, Volkan 3 ilə qədər həbs cəzası ala bilər. Prokurorluq Volkanın ifadəsinin alınması üçün polis idarəsinə təlimat göndərib.

Volkanın ifadəsi alınandan sonra prokurorluğun məhkəmə işi açıb - açmayacağı müəyyən olacaq. Prokrorluğa təqdim olunana ərizədə Volkanın yalnız küçə itlərini deyil, heyvanları sevənləri də təhqir etdiyi iddia edilib:

"Volkan xalqı kin və düşmənçiliyə təhrik edib, xalqı aşağılayıb".

Aygün İlqarqızı