Məclis üzvü: “Müsavat reanimasiya stolunun üstündədir”

“Müsavat Partiyası reanimasiya stolunun üstündədir : daxili və xarici intriqalar, dedi-qodu, şər-böhtan, yalan vədlər, səriştəsizlik, təşkilatçılıq sıfıra bərabərdir”.

Publika.az xəbər verir ki, bu barədə Quzey Kiprdə yaşayan təhsil eksperti, Müsavatın Ali Məclis üzvü Məlahət Mürşüdlünün başqan seçkilərində məğlub olan Qubad İbadoğluna məktubunda deyilir.

M. Mürşüdlü məktubunda qeyd edib ki, Məmməd Əmin Rəsulzadə partiyasının bugünkü mənzərəsi budur: “Məncə, onu bu günə salanların özləri də vəziyyəti düzəltməlidirlər. Əlbəttə, bacarsalar”.

Daha sonra o, Q. İbadoğlunun QHT sektoruna qayıdacağı üçün sevindiyini açıqlayıb.

“Sizin seçilməmə xəbərinizi 28 sentyabr gecə saat 03-də öyrəndim. Üzüldüyüm qədər də buna sevindim. Üzüldüm ona görə ki, əziyyət çəkdiniz, mənəvi ağrı hiss etdiniz, mən daxil yüzlərcə ziyalı sizi qalib edə bilmədi. Amma siz güclü, modern düşüncəli bir şəxssiniz, partiyanın görmədiyi kampaniya apardınız! Qismət deyilmiş, rusların bir sözü var : Vse xudşiye idiyot na luçşeye. Uca Allahımız bilir nə etdiyini! Demək belə yaxşıdır. Sevindim ona görə ki, QHT sektorunda yenə başdasınız. Bu sektoru mən sizsiz təsəvvür edə bilmirəm. Mən əvvəlcədən dostlarımıza demişdim ki , QHT sektorundan getmənizi istəmirəm! Bir neçə dəfə də sizə demək istədim ki, namizədliyinizi verməyin. Amma nədənsə çəkindim”, -deyə o məktubunda vurğulayıb.

Asif