SOS: Bəşəriyyəti aclıq gözləyir

2050-ci ilədək Yer kürəsinin əhalisinin sayı 9,6 milyard, 2100-cü ilədək 10,9 milyard nəfər təşkil edəcək. Bu isə o deməkdi ki, Yer kürəsində daha 3,54 milyard insanı ərzaqla təmin etmək lazım gələcək.

Publika.az-ın məlumatına görə, BMT-nin Ərzaq və Kənd Təsərrüfatı Təşkilatı (FAO) bəyan edib ki, ərzaq istehsalı 9 milyard nəfəri yedirtmək üçün 60 faiz artırılmalıdır. Tarixən ərzaq istehsalı artımı həmişə əhalinin sayını üstələyib, lakin iqlim problemlərini asanlıqla həll etmək asan olmayacaq.

Hazırda Afrika əhalinin sayına görə dünyanın ən sürətlə artan regionudur. Qitə əhalisinin sayının əsrin sonunadək dörd dəfə artaraq 4 milyard nəfərə çatacağı proqnozlaşdırılır. Lakin tədqiqatçıların bir qismi hesab edir ki, hazırda gənc afrikalıların təhsilli olması populyasiyaya nəzarətə imkan verir. Məsələn, 1970-ci ildə Banqladeşdə əhali sayı çox yüksək olub, hər ailəyə orta hesabla 6 uşaq düşüb. Təhsil proqramı həyata keçirildikdən sonra uşaqların orta sayı iki nəfərədək azalıb.

Dünyada aclığa tez-tez təsadüf edilməsə də, region əhalisi əsasən müharibə və siyasi sabitliyin olmaması səbəbindən aclıqdan əziyyət çəkir.