Dünya

Kameron Avropa Birliyini nüfuzdan salır

20 Oktyabr 2014 04:40

Böyük Britaniyanın baş naziri Devid Kameronun Avropa Birliyinin daxilində miqrasiya qaydaları ilə bağlı planı Avropa qanunlarına ziddir.

Publika.az-ın verdiyi məlumata görə, bu barədə Avropa Komissiyasının prezidenti Joze Manuel Barrozu Britaniyanın BBC telekanalına bildirib.

Barrozu qeyd edib ki, Avropa Birliyinin sərhədləri daxilində immiqrantların hərəkəti prinsipi Avropanın ən əhəmiyyətli prinsipidir və onu saxlamaq lazımdır.

Böyük Britaniyanın baş naziri dəfələrlə bildirib ki, Avropa Biriliyində islahatlar aparılmalı, xüsusi olaraq qurum daxilində miqrasiya qaydaları sərtləşdirilməlidir. Britaniya Avropa Birliyinin üzvü olsa da, Şengen zonasına daxil deyil.

Şengen zonası ölkələri arasında sərhəd yoxlama məntəqələri ləğv olunub və Şengen vizası almış turist və qonaqların Zona daxilində sərbəst hərəkəti təmin edilib.

Ömər Dağlı