İdman

“Döyüş ruhu ilə fəxr edirəm. Biz qayıtdıq!”

20 Oktyabr 2014 12:57

A Seriyasının 6-cı turunda "İnter" "Napoli"ni qonaq edib.

Valter Mazzarinin yetirmələri son dəqiqələrdə vurulan qolla 1 xalı (2:2) xilas edib. Publika.az xəbər verir ki, qarşılaşmadan sonra klubun prezidenti Erik Tohir matç haqqında fikirlərini çatdırıb:

“Azarkeşlərə komandaya verdikləri dəstəyə görə təşəkkür edirəm. Düzgün atmosfer yaratmaq çox vacib idi, onlar da bunu bacardılar. Bu atmosfer komandanı buraxılan qollara reaksiya verməyə ruhlandırdı. Futbolçular və məşqçidəki döyüş ruhu ilə fəxr edirəm. Biz qayıtdıq! Əminəm ki, bu döyüş ruhunu həftə içi Avropa Liqasının oyununda da görəcəyik”.

Məlumat üçün bildirək ki, "İnter"in Avroliqadakı rəqibi Fransanın "Saint-Etienne" kollektivi olacaq.

Aygün İlqarqızı