İnsestdən doğulan firon qüsurlu olub – FOTOLAR

Yeni aşkar edilmiş tədqiqatlara görə, eramızdan əvvəl XIV əsrdə yaşamış Misir fironu Tutanhamonun qadınsayağı bədən forması olub.

Cilalanmış qızıldan hazırlanmış maska ilə dəfn olunan fironun qəbri 1922-ci ildə arxeoloji qazıntılar zamanı aşkar edilib. Qızıl maska fironun yaraşıqlı kişi və hökmdar olmasını nümayiş etdirib.

Lakin bu, heç də belə olmayıb. Fironun iri dişləri, əyri ayağı və qadınınkına bənzər ombası olub. Bu faktlar kompüter vasitəsilə aparılmış meyityarma müayinəsindən sonra ortaya çıxıb. Onun qüsurlu doğulmasına səbəb isə ata-anasının bacı-qardaş olmasıdır. Elə ona görə də Tutanhamon erkən yaşda vəfat edib.

Bəzi fərziyyələrə görə, firon qətlə yetirilib, ya da döyüş arabasından yıxılaraq həlak olub. Onun cəsədi aşkarlanarkən bir neçə sümüyündə sınıqlar olub.

Sonuncu tədqiqatlara görə, Tutanhamon, əslində, nəsillikcə keçən irsi xəstəlikdən vəfat edib. Çünki onun ayaqlarının içəriyə doğru əyilməsi döyüş arabasından yıxılma ehtimalını təkzib edir. Tutanhamon hələ uşaqlıqdan əsa ilə yeriyib.

Onun qəbrindən 130-dan artıq əsya tapılıb.

Nura