Nida.az
“Bir salama dəymədi” – istefa çağırışçısının salamını almayan başqana ağır ittihamlar
Müsavat başqanı Arif Hacılı onu istefaya çağıran Zəngilan rayon təşkilatının sədri, partiya Məclisinin üzvü Rauf Əliyevin salamını almayıb.
Publika.az xəbər verir ki, hadisə müsavatçıların
birinin həyətində yas mərasimi zamanı olub. Belə ki, R. Əliyev Arif
Hacılıya əl uzadıb, lakin qarşı tərəf uzadılan əli havada
buraxıb.
Məsələ ilə bağlı Publika.az-a danışan R. Əliyev
bundan şoka düşdüklərini deyib: “Müsavat Partiyası milli dəyərləri
ön plana çıxaran siyasi qurumdur. Bizim milli mentalitetimizin
formalaşmasında isə türk adət-ənənələri və İslam ehkamları xüsusi
rol oynayıb. Bu iki dəyər müsavatçılıq ideologiyasının təməl
prinsipləri kimi qəbul olunub. İstər İslam dinində, istərsə də türk
mentalitetində salamın dəyəri həmişə yüksək olub. Dastanlarımızdan
öyrəndiyimizə görə, hətta üz-üzə gələn düşmənlər belə bir-birindən
salamı əskik etməyiblər. Hətta Türk-İslam inancına görə, namaz
üstündə belə olsan, sənə verilən salamı almalısan. Əks halda, bir
möminin haqqını özünə qaytarmamış sayılırsan. İndi Müsavat kimi bir
partiyaya başqanlıq iddiasında olan adamın bu cür tövrü anlaşılan
deyil. Bu tövrü yalnız mənə qarşı bir sayğısızlıq yox, həm də
müsavatçılıq ideallarına saymazyana münasibət kimi
qiymətləndirirəm”.
“Rəsulzadədən yadigar qalan bir partiyaya belə cılız
düşüncəli insan rəhbərlik etmək istəyir”
R. Əliyev deyib ki, o, böyüklük göstərib Arif Hacılıya salam
verib.
“İnsan oğlunun ən çətin anında bütün ortaq tanış və dostlar bir
araya gəlir, umu-küsülər unudulur. Hər kəs əlindən gəldiyi qədər
mərhumun yaxınlarına başsağlığı verirlər. Mən də, Arif bəy də məhz
bu səbəblə eyni hüzr yerindəydik. Ora təbii ki, umu-küsü yeri
deyildi. Biz yas qapısından içəri girdiyimiz andan dünyəvi işlər
uğrunda mübarizəmizi bir kənara atmalıydıq. Mən də böyüklük
göstərib bu düşüncə ilə Arif bəyə salam verdim. Yoxsa, o, heç bir
keyfiyyətinə görə bu salamı haqq etmirdi. Sırf yas yiyəsinin
hörmətinə verdiyim salam isə göydən asılı qaldı. Mənimlə üz-üzə
gələn Arif bəy gözlərimin içinə baxdığı halda salamı almamaq bir
tərəfə, sanki cin-şəyatin görmüşcəsinə yanımdan qaçdı. Bununla da
mənim göstərdiyim böyüklüyə layiq olmadığını sübut etdi və özünü
orda bulunan hər kəsin gözündə alçaltdı. Təəssüf edirəm ki, böyük
Məmməd Əmin Rəsulzadədən yadigar qalan bir partiyaya belə cılız
düşüncəli insan rəhbərlik etmək istəyir” , - deyə o qeyd edib.
Arif Hacılı Hitlerin nitqini dinləyirmiş?
Rauf Əliyev iddia edib ki, Arif Hacılı başqanlığa hazırlaşarkən
Hitlerin nitqini dinləyirmiş: “Görünür, Arif Hacılı müsavatçılıqla
faşizmi ayırd edə biləcək qədər yetkinləşməyib və Hitleri
dinləyə-dinləyə faşistləşib. İndi o, faşizmin əsas dəyəri sayılan
“ya mənimlə, ya mənə qarşı ol!” tezisindən dünyaya baxır. Arzu
edərdim ki, keçmiş başqanımız İsa Qəmbər öz varisinə əsl
müsavatçılığı öyrətsin”.
Asif Nərimanlı
-
Region10:10
Rusiyadakı azərbaycanlılara PİS XƏBƏR - Bu sahələrdə işləmək qadağan edildi
-
Cənubi Qafqaz09:48
Rusiya bu həftə Paşinyanı devirəcək - Şok iddia
-
Hadisə09:21
Məktəb binasında yanğın
-
Sosial08:43
Azərbaycanın tanınmış professoru vəfat etdi - FOTO
-
Magazin208:36
Kristofer Nolan cəngavər olacaq, xanımı isə... - FOTO
-
Ekologiya07:17
Bu günə olan hava PROQNOZU - 20 dərəcə isti
-
Magazin206:16
Leonardo Di Kaprio ilə sevgilisi arasında NƏ BAŞ VERİR?
-
Səhiyyə05:15
Ömrü uzadan pəhriz sınaqdan UĞURLA ÇIXDI