Nida.az
“Qarabağ probleminin həlli üçün yeni “İncirlik”ə ehtiyac var” – MÜSAHİBƏ
NATO-nun Bakı İnstitutunun rəhbəri Fərrux Məmmədov Publika.az-a müsahibəsində Paris görüşü və Cənubi Qafqazda yeni ssenariləri şərh edib.
- Rusiya müdafiə naziri Sergey Şoyqu Paris görüşündən az
sonra Moskvanın xaricdəki hərbi bazalarını genişləndirəcəyini
açıqladı. Bu çərçivədə Gümrüdəki hərbi baza da genişlənəcək. Paris
görüşündə Qərbin Dağlıq Qarabağ münaqişəsini həll etmək istədiyi
haqda informasiyalar yayıldı. Bunun fonunda Şoyqunun açıqlamasını
necə şərh edərsiniz?
- Hər dəfə Dağlıq Qarabağla bağlı hansısa bir görüş və ya önəmli
məsələ olduğu zaman Rusiya dərhal şantaj və təhdid mesajlarını
verir. Rusiya müdafiə naziri Sergey Şoyqunun bu açıqlaması
Rusiyanın növbəti təhdid və şantaj siyasətidir. Rusiyanın hazırki
siyasəti artıq qlobal güc deyil. Moskva heç artıq heç bir qlobal
problemin həllində rol oynamır. Onun xaricdə bir neçə yerdə hərbi
kontingenti mövcuddur. Onlardan ən əsası Ermənistandadır. Gümrü
bazasındakı hərbi güc hər il daha da artmaqdadır. Bununla bağlı
Azərbaycan hökuməti məlumatlıdır. Düşünürəm ki, hökumət Rusiyadan
izahat tələb etməlidir. Çünki Rusiya Dağlıq Qarabağ münaqişənin
həlli ilə məsul olan ATƏT-in Minsk Qrupunun həmsədr ölkələrdən
biridir.
- Gümrü bazasının gücləndirilməsi regionda güc balansının
Ermənistanın xeyrinə dəyişməsi deməkdir. Sizcə, Azərbaycan buna
alternativ addımlar ata bilərmi?
- Rusiya artıq Ermənistandakı Gümrü hərbi bazasını 20 ildir daimi
olaraq silahlarla təchiz edir. Buna paralel olaraq Rusiya həmçinin
Ermənistan ordusunu silah-sursatla və lazımı vasitələrlə təmin
edir. Digər tərəfdən, Moskva guya münaqişənin həllində maraqlı
tərəf kimi çıxış edir.
NATO 20 ildir Azərbaycana Gümrüdəki hərbi bazaya alternativ baza yaratmaq istiqamətində təkliflər edir. Azərbaycan tərəfi isə hələlik NATO-nun təklifinə cavab vermir. Bu baş verərsə, Rusiya yeni ssenari hazırlayacaq və bu ssenari üzrə hərəkət edəcək. Hesab edirəm ki, Rusiyanı tam nəzarətə almaq üçün Cənubi Qafqazda ikinci “İncirliyə” ehtiyac var. Bu həm də Dağlıq Qarabağ münaqişənin həllində önəmli rol oynaya bilər.
- Parisdə “Yol xəritəsi”nin hazırlandığına dair xəbərlər
var. Bu xəritə nədən ibarət ola bilər və münaqişənin həllinə nə
dərəcədə yardım edə bilər?
- Cənubi Qafqazın inkişafı, stabilliyi və sabitliyi yalnız Amerika
və Avropa üçün önəmlidir. Rusiya isə bu bölgələrdə daim xaosun
olmasına çalışıb. Çünki xaos olarsa, Rusiya üçün bölgəni idarə
etmək və həmin coğrafiyada daha çox qalmaq imkanı yaranır. Dağlıq
Qarabağ məsələsi ilə bağlı “Yol xəritəsini” təqdim edənlər Avropa
və Amerikadır. Bu layihəni Avropa Birliyi və Amerika hazırlayıb. Bu
layihənin əsas üstünlüyü ümumilikdə sülhün olması və dövlətlərarası
problemin sıfıra endirilməsidir.
Konkret olaraq, Amerika və Avropa Cənubi Qafqazın üç ölkəsini NATO və Avropa Birliyinin ən güclü tərəfdaşı kimi görmək istəyir. Qərbin təklif etdiyi “Yol xəritəsi”ndə Azərbaycanın ərazi bütövlüyü çərçivəsində problemin həll olunmasını nəzərdə tutur. Bununla yanaşı, torpaqlar qaytarıldıqdan sonra birgə yaşayış məsələsi də öz əksini tapıb. Hazırda bu istiqamətdə proseslər gedir və 2015-ci ildə “Yol xəritəsi” ilə bağlı müəyyən addımların atılacağını görə biləcəyik.
Asif Nərimanlı
-
Sosial22:50
Əhaliyə ŞAD XƏBƏR: pensiya və müavinətlər artırıla bilər - VİDEO
-
İdman22:24
UEFA-dan Avro-2024-lə bağlı YENİLİK - Yekun qərar bu tarixdə veriləcək
-
Magazin222:00
Sevgilisi məşhur aktrisanı döydü: "Aylarla..."
-
Sosial21:36
Daxili İşlər Nazirliyi əhaliyə ÇAĞIRIŞ ETDİ
-
İnanc21:24
Ramazanın 19-cu gününün duası - İmsak və iftar vaxtı
-
Sosial20:24
Şahmar Hüseynova yeni VƏZİFƏ VERİLDİ - FOTO
-
Maraq dünyası20:15
"Tarqovı"da çiy ətdən libas geyinən qızdan QƏRİBƏ HƏRƏKƏTLƏR - VİDEO
-
Art19:36
Azərbaycan və Türkiyə birgə film çəkəcəklər - ADI AÇIQLANDI