Şimali Koreya ABŞ-ı nüvə silahı ilə hədələdi
Bizi izləyin
Kanon

Dünya

Şimali Koreya ABŞ-ı nüvə silahı ilə hədələdi

Vaşinqton düşmən bəyanatlarını davam etdirdiyi təqdirdə, Pxenyan nüvə silahına əl atmaq niyyətindədir.

Publika.az xarici mətbuata istinadən məlumat verir ki, Şimali Koreya nüvə energetikası sahəsi də daxil olmaqla hərbi qüvvəsini gücləndirməyə söz verib.

Koreya hökumətinin bəyanatında deyilir: “ABŞ-ın yürütdüyü düşmən siyasəti bizim respublikanı işğal etmək niyyəti güdür. Belə bir vəziyyətdə Koreya yarımadasının nüvədən azad zonaya çevirmək ideyası artıq öz əhəmiyyətini itirib”.

Bundan əlavə, KXDR hökuməti FTB-yə “Sony Pictures” kino şirkətinə edilən kiber hücumların birgə araşdırılması təklifini irəli sürüb. Qeyd edək ki, Vaşinqton haker hücumlarında Şimali Koreyanı günahlandırıb. Pxenyan isə bütün ittihamları təkzib edir.

Xatırladaq ki, naməlum hakerlər “Sony Pictures” kino şirkətinə noyabr ayının sonlarında hücum edib. Nəticədə, hələ ekranlara çıxmayan bir neçə film internetə sızıb.

Camalə

Oxumağa davam et
Reklam
Reklam

Gündəm

Kanon