İdman

Nazarovun “Qəbələ”yə transferi niyə baş tutmayıb?

22 Dekabr 2014 13:35

Dünən “Qəbələ”nin yeni baş məşqçisi Roman Qriqorçuk ictimaiyyətə təqdim olundu. Yeni ildən fəaliyyətə başlayacaq ukraynalı mütəxəssisin gəlişindən sonra əyalət klubunda müəyyən canlanma hiss olunur. Yəqin ki, qarşıdakı bir ayda “Qəbələ”nin adı transfer xəbərlərində tez-tez hallanacaq.

Publika.az xəbər verir ki, artıq bu mənada müəyyən hərəkətlilik də var. “Qəbələ”nin meneceri Səbuhi Səfiyarlı Publika.az-a açıqlamasında komandanın yerli yox, legioner transferə ehtiyacı olduğunu dedi:

“Yeni transferlər barədə məşqçi ilə müzakirələrdən sonra qərar verəcəyik. Oktyabrda Nazarovun “Qəbələ”yə transferi gündəmdə idi, onu bizə alman menecer təklif etmişdi. O zaman Muntyanu ilə məsləhətləşsək də, qərar verməmişdik. Nazarovun maliyyə şərtlərində Azərbaycan pasportunun olması qiymətin qalxmasına səbəb oldu. O qiymətə daha güclü legioner gətirmək olar deyə, danışıqları saxlamışıq. Amma şərtlərdə dəyişiklik olsa, məsələyə qayıda bilərik”.

Aygün