Dünya
Mariupolda rusiyalı casus yaxalanıb
Ukrayna prezidenti Petro Poroshenko Mariupol şəhərinin bombardman edilməsinin təfərrüatlarını tam açıqlayacağını vəd edib və bildirib ki, şəhərdə hədəfləri separatçılara nişan verən agent həbs edilib.
Ukrayna hakimiyyət orqanları bildirirlər ki, nişançı şənbə günü yaxalanıb.
Onun artıq dindirildiyi və ifadə verdiyi barədə məlumatı ölkənin Milli Təhlükəsizlik Şurasının müşavirəsində prezident bəyan edib.
Nişançının adı bazar ertəsi açıqlanacaq
Prezident bildirib kİ, alınmış ifadələr bazar ertəsi rəsmən elan olunacaq.
O həmçinin bildirib kİ, bazar ertəsi Avropa İttifaqının xarici işlər nazirləri görüşərək Rusiyaya qarşı görülə biləcək növbəti tədbirləri müzakirə edəcəklər.
Prezident deyib ki, hazırkı vəziyyətdə Minsk razılaşmalarına əsasən əldə edilmiş atəşkəsin alternativi yoxdur.
Poroshenko bəyan edib ki, Ukrayna münaqişənin dinc yolla həll olunmasının tərəfdarıdır.
Mariupolda artilleriya bombardmanı zamanı həlak olmuş sakinlər üçün matəm günü elan edilib.
Rusiya BMT qətnaməsini vetolayıb
Bu arada Rusiya BMT Təhlükəsizlik Şurasında Mariupolun atəşə tutulmasını pisləyən qətnamənin qəbuluna veto ilə mane olub.
Bəyanatda atəşin dərhal dayandırılması və 30 dinc sakinin ölümünün təfərrüatlarlının araşdırılması tələb edilirdi.
ATƏT müşahidəçiləri Mariupolda yaşayış məhəllələrinin Donetskdəki separatçılar tərəfindən raket atəşinə tutulduğunu təsdiq ediblər.
Moskva başsağlığı da vermir
Xəbər verilir ki, hazırda Ukrayna qoşunlarının nəzarətində olan Mariupolda nisbi sakitlikdir.
BMT-nin baş katibi Ban Ki Mun Rusiya yönlü separatçıların hərəkətlərini, ələxüsus da onların yeni ərazilər ələ keçirəcəkləri barədə hədələrini qətiyyətlə pisləyib.
Separatçılar şəhəri atəşə tutduqlarını qəti şəkildə danırlar.
Ukraynanın xarici işlər naziri Pavel Klimkin Mariupolun atəşə tutulması ilə əlaqədar Moskvanın susmasını təəccüblü adlandırıb.
O deyib ki, Rusiya bu hadisəni nə pisləyir, nə də heç olmasa, ölənlər üçün başsağlığı verir.
-
MDB15:56
Həbs olunan generalla bağlı şok iddia: Boşanması uydurma olub
-
İdman15:15
Həbsxanadan məktub yazdı: İki zabitin qarşısında soyunmalı oluram - FOTOLAR
-
Rəsmi xronika14:51
Azərbaycan Qırğızıstanla Anlaşma Memorandumu imzaladı
-
Hadisə14:06
Sabiq baş pediatr özünü güllələdi - TƏCİLİ
-
Rəsmi xronika14:05
Prezidentlər mətbuata bəyanatlarla çıxış etdilər - Yeniləndi
-
MDB13:33
Simonyanın İspaniyadakı çıxışı Rusiyanı qəzəbləndirdi: Senatorlara göstəriş verildi
-
Qoroskop13:25
Gecə 03:48-də başladı: mayın 10-a qədər... - Astroloqdan ŞOK XƏBƏRDARLIQ
-
İdman12:36
Görün ulduz futbolçuların xanımları hansı peşələrdə çalışırmış - FOTOLAR