Luqanskda hərbi əməliyyatlara rusiyalı general başçılıq edir - FOTO

Rusiya Federasiyası Cənub hərbi dairəsinin 58-ci ordusunun qərargah müdiri, general mayor Sergey Kuzovlev Luqansk vilayətinin Popasnaya şəhəri yaxınlığında hərbi əməliyyatlara rəhbərlik edir.

Publika.az-ın “unian.net” saytına istinadən verdiyi məlumata görə, bu barədə Ukrayna antiterror qərahgahının “Facebook” səhifəsində deyilir.

“Bizdə olan informasiyaya görə, Rusiya-terror qoşunlarının rəhbərliyi Popasnaya şəhəri yaxınlığındakı ərazidə Ukrayna ordusunun bölmələrinə qarşı hücum əməliyyatlarını həyata keçiririr. Rusiya Federasiyası Cənub hərbi dairəsinin 58-ci ordusunun qərargah müdiri, general mayor Sergey Kuzovlev əməliyyatlara birbaşa rəhbərlik edir”, - xəbərdə qeyd olunub.

Qeyd edək ki, dünən Mariupol şəhəri separatçıların güclü raket atəşinə məruz qalıb. Nəticədə 30-a qədər dincs sakin ölüb. Ukrayna prezidenti Pyotr Poroşenko sıralarında Rusiya vətəndaşlarının da olduğu terrorçular tərəfindən Mariupol şəhərinin atəşə tutulduğu barədə sübutların yer aldığı hesabatın sabah dərc ediləcəyini açıqlayıb.

Ömər Dağlı