"Boko Haram" hücuma keçdi: Şiddətli döyüşlər gedir

Boko Haram qruplaşması Nigeriyanın şimal-şərqində yerləşən Maiduguri şəhərinə hücuma keçib.

Publika.az xəbər verir ki, şəhərətrafı ərazilərdə şiddətli döyüşlər getdiyi bildirilir. Şəhərdə komendnt saatı elan edilib. Ordu radikalçılara qarşı hava hücumları həyata keçirir.

Eyni zamanda bildirilir ki, Boko Haram Maidugurinin şimalında yerləşən Monguno şəhərinə də hücuma başlayıb.

Boko Haram qrupu 2009-cu ildə İslam dövləti yaratmaq niyyətilə partizan əməliyyatlarını başlayıb. Nəticədə minlərlə adam öldürülüb. Onların əksəriyyəti şimal-şərqi Nigeriyadandır.