Dünya

Donbasda iki tərəfdə vuruşan beloruslar – FOTOLAR (VİDEO)

29 Yanvar 2015 02:52

Belarus Silahlı Qüvvələrinin xüsusi bölməsinin hərbçisi “Novorossiya ordusu” sıralarda döyüşür.

Publika.az Ukrayna mediasına istinadən xəbər verir ki, bu barədə blogger İrakli Komaxidze “Facebook” səhifəsində yazıb.

“Belarus vətəndaşı 1993-cü il təvəllüdlü Dmitri Makareviç artıq bir neçə aydır ki, Kremlin sponsorluq etdiyi “Novorossiya” adlanan qanunsuz silahlı birləşmələrinin tərkibindədir. O, Belarus Silahlı Qüvvələrinin elit qoşun hissələrindən birində - əsas kəşfiyyat məntəqəsinin xüsusi təyinatlı 5-ci ayrı briqadasında xidmət edirdi”, -İrakli Komaxidze qeyd edib.

Bundan əvvəl isə sosial şəbəkələrdə Belarus könüllülərin Donetsk aeroportunu müdafiə edən “kiborqlar”ın tərəfində vuruşduğunu göstərən foto və video çıxmışdı. Belarus döyüşçüləri həmçinin Donetsk vilayətinin Peskax qəsəbəsində özlərinin milli bayrağını sancmışdılar.

Ömər Dağlı