Bilgi.az

Yer kürəsinin mistik yeri – FOTOLAR

27 Fevral 2015 12:12

Dünyanın ən qızmar səhrasının tən ortasında Uakaçina vahəsində - Peru səhralığındakı vahədə enliyarpaqlı palmalar, ağaclar və laqun yerləşir.

Publika.az xarici mətbuata istinadən xəbər verir ki, Uakaçina adlı möcüzəli şəhərdə 96 nəfər yaşayır. Dörd tərəfdən səhra ilə əhatələnən Uakaçinada kiçik biznes inkişaf edir. Şəhərin ən böyük üstünlüyü onun qumudur.

Şəhər kiçik bir gölün ətrafında formalaşıb. Lakin gölün yaranması ilə bağlı bir sıra əfsanələr də mövcuddur. Məsələn, əfsanəyə görə, cavan bir şahzadə hovuzda çimən zaman onu ovçu izləməyə başlayıb. Bu vaxt şahzadə qız ovçunun əlindən qaçır. Əfsanəyə görə, su hovuzu gölə çevrilir. O, qaçarkən qoyub getdiyi plaşdan isə səhralıq yaranıb. İndi isə şəhərdə ink qəbiləsinin nümayəndələri yaşayır.

Şimali və Cənubi Amerikanın ən son vahələrindən biri olan Uakaçinada mehmanxana, mağaza və yaşayış evləri də var.

Bu şəhərin laqunu hələ 1940-cı illərdə Peru sakinləri arasında məşhur idi. Onlar gölün suyunu sağlamlığa müsbət təsir etdiyini iddia edərək, orada çimməyə gələrdilər.

Şəhər Milli Mədəniyyət İnstitutu tərəfindən mədəni irsi ərazi adlandırılıb.

Nura