Dünya
Saakaşvili: “Məsələ praktik olaraq həll edilib“
ABŞ-ın Ukraynaya müdafiə silahlarını çatdırması haqqında məsələ praktik olaraq həll edilib.
Publika.az “İnterfaks” xəbər agentliyinə istinadən xəbər verir ki, bu barədə Gürcüstanın keçmiş prezidenti, Ukrayna prezidenti Pyotr Poroşenkonun məsləhətçisi Mixail Saakaşvili Ukraynanın “5 kanal”ın efirində bildirib.
“Bu məsələ, demək olar ki, 99 faiz həll edilib. Yekun qərarın nə zaman veriləcəyini bilmirəm. Ümid edirəm ki, bu, ən yaxın zaman ərzində olacaq. Çünki Ukraynanın vaxtı çox azdır”, - Saakaşvili deyib.
Gürcüstanın keçmiş prezidentinin sözlərinə görə, silahların Ukraynaya çatdırılması minlərlə insanın həyatının xilası üçün ən güclü siqnal olacaq.
Qeyd edək ki, ötən ayın 27-də respublikaçı Mek Tornberri və demokrat Adam Smit ABŞ Konqresinin Nümayəndələr Palatasına Ukraynaya silah yardımını nəzərdə tutan qanun layihəsini təqdim edib. Nəzərdə tutulan silah yardımının həcmi bir milyard dollardır. Qanun layihəsinə görə, ABŞ Müdafiə Nazirliyi 30 sentyabr 2017-ci ilə kimi Ukraynaya təlim texnikası və müdafiə təyinatlı silahları vermək hüququna malik olacaq.
Müəlliflər qeyd edirlər ki, sadalanan yardımın bütün növləri “suveren ərazisinin xarici təcavüzdən müdafiəsi” üçün Ukraynaya verilməlidir.
Amma Avropanın bir çox ölkəsi, o cümlədən Almaniya, Fransa, Danimarka, Estoniya, İtaliya və Macarıstan Ukrayna silah yardımına qarşı çıxır.
Ömər Dağlı
-
Sosial01:41
Azərbaycanı görünüşü ilə heyrətə gətirən uşağın atası danışdı - VİDEO
-
Sosial00:30
“Space" TV-yə geri döndü: "Məbləğin bir qismi ödənildi" - FOTO/VİDEO
-
Qoroskop00:15
Günün ULDUZ FALI: normal imkanlar yaranana qədər gözləyin
-
MDB00:00
Putinə indi məruzə edildi, Şoyquya isə əvvəlcədən deyilib
-
Nida Xəbər 23 Aprel 23:48
Nazirlər Kabinetindən YENİ SİYAHI - Kimlərin adları var?
-
Magazin123 Aprel 23:36
Tünzalə imicini dəyişdi - FOTO
-
MDB23 Aprel 23:12
Şoyqunun müavini SAXLANILDI - Külli miqdarda rüşvət alıb
-
İdman23 Aprel 22:48
Son çempion boşanır: uşaqlıqdan başlayan nağıl bitir