Nida.az
Türkiyə ilə viza məsələsində İran faktoru - “Əl-Cəzirə” problemi araşdırıb
Türkiyə xarici işlər naziri Mövlud Çavuşoğlunun Bakıya səfəri zamanı iki ölkə arasında viza rejiminin aradan qaldırılması məsələsi də gündəmə gəlib.
Publika.az xəbər verir ki, bu barədə “Əl-Cəzirə”
telekanalının saytında məlumat yayılıb.
“Azərbaycan vizasında İran faktoru” başlıqlı məqalədə deyilir ki,
Azərbaycan və Türkiyə tarixi, mədəni, siyasi və iqtisadi bağlar
olduqca möhkəmdir: “Bu ölkələr qardaşdır. Lakin viza məsələsi tam
həllini tapmayıb. Azərbaycanlılar Türkiyəyə gedərkən vizasız 90 gün
qala bilirlər. Azərbaycana gələn türklərsə viza almalıdırlar və 60
gün qala bilərlər. Bu, Azərbaycanın Türkiyəyə olan münasibətindən
irəli gəlmir. Azərbaycan rəsmiləri vizasız rejimin Ermənistan
istisna olmaqla, MDB ölkələrinə tətbiq olunduğunu bildirir. Türk
vətəndaşları üçün isə vizanın asanlaşdırıldığını qeyd edirlər”.
M. Çavuşoğlu Bakıda olarkən bu haqda danışıb: “Dünyanın hər yerində
dost və qardaş ölkələrlə vizaları qaldırırıq. Azərbaycan
vətəndaşları da Türkiyəyə vizasız gələ bilirlər. Hazırda Türkiyə
vətəndaşlarının da Azərbaycana vizasız gələ bilməsi istiqamətində
fəaliyyəti davam etdiririk. Ən azından müsbət dəyişikliklərə nail
olacağıq və asanlaşdıracağıq. Biz Azərbaycanın olduğu bölgədəki
daxili və xarici faktorları bilir və Azərbaycana hörmətlə
yanaşırıq”.
“Əl-Cəzirə” diplomatik mənbələrə istinadən iddia edir ki, Türkiyə
ilə vizasız rejimin tətbiq olunmamasına səbəb İranın da bunu
istəməsidir.
“Azərbaycan qaçaqmalçılığın artacağı, bunun da iqtisadiyyata pis
təsir edəcəyindən narahatdır. Buna görə də İranla viza
müzakirələrində yalnız MDB ölkələri ilə vizasız rejimin tətbiq
olunduğunu əsas gətirir. Buna görə də Türkiyə ilə də vizasız
rejimin tətbiqi saxlanılır. Əgər rəsmi Bakı Türkiyə ilə vizanı
qaldırsa, eyni vəziyyəti İrana tətbiq etməsə, o zaman Tehranla
münasibətlərə xələl gələ bilər. Azərbaycanın İranla münasibətlərə
xüsusi diqqət yetirməsinin bir səbəbi də Naxçıvan Muxtar
Respublikasına quru ərazinin bu ölkədən keçməsidir”, - deyə
məqalədə qeyd olunur.
Adının açıqlanmasını istəməyən diplomatlardan biri “Əl-Cəzirə”yə
bildirib ki, Azərbaycanın torpaqları işğal altındadır və bəzi
qərarları buna görə verir: “Türkiyə və Azərbaycan qardaşdır. Lakin
bəzi məsələlərdə yanaşmalar fərqli ola bilər və bu hər iki tərəfdə
normal qarşılanır. Azərbaycanın yerləşdiyi coğrafiya çox
mürəkkəbdir və bu da bəzi çətinliklər yaradır”.
“Əl-Cəzirə” onu da qeyd edir ki, Türkiyə ilə viza rejimi tətbiq
olunsa da, Azərbaycana gələn Türkiyə vətəndaşları heç vaxt geri
qaytarılmayıb. Hər bir Türkiyə vətəndaşına istədiyi vaxt 60 günlük
viza verilir.
Asif Nərimanlı
-
İdman17:06
"Qarabağ"ı yıxan futbolçu İstanbul nəhənginin hədəfində
-
Sosial16:36
Güclü külək əsəcək, çaylardan sel keçəcək - XƏBƏRDARLIQ
-
Magazin116:11
Zülfiyyə Aşıq Tellini biabır etdi: “Restoranda yeyir, sonra da...”
-
Sağlamlıq15:41
Marketlərdə satılan bu yuyucu tozlar XƏRÇƏNG YARADIR
-
Nida Xəbər 15:11
Təsdiqləndi: Bu şəxslərin MAAŞI ARTIRILDI - MƏBLƏĞLƏR
-
Dünya14:08
Makronla Silvanın romantik pozaları gündəmi silkələdi - FOTO
-
Sosial13:47
Bu şəxslər pensiyaya 5 il erkən çıxacaq
-
Yaxın Şərq13:16
Mahmud Abbas ermənini nazir təyin etdi - FOTO