Bilgi.az

Dünyada ən uzun kirpiyə sahib olan insanın sirri – FOTOLAR

2 Mart 2015 19:59

Ukraynalı kişi dünyada ən uzun kirpiyə malik olduğunu iddia edir. O, kirpiyinin sürətlə uzanmasını adını açıqlamaq istəmədiyi qidayla bağlayıb.

Publika.az xarici mətbuata istinadən xəbər verir ki, Kiyev şəhərindən olan 58 yaşlı Valeri Smaqli pəhrizini dəyişdikdən sonra kirpiyinin sürətlə uzandığını hiss edib. İndi isə o, uzun kirpiklərinin ona pul gətirəcəyini zənn edir.

O deyib: "Bir qidanı qəbul etdikdən sonra kirpiklərin sürətlə böyüdüyünü gördüm. Hesab edirəm ki, qadınların diqqətini cəlb edən uzun kirpiklərim mənə xeyir gətirə bilər. Tez-tez küçədə qadınlar məni saxlayıb kirpiklərin həqiqi olub-olmamasına baxır. Kirpiklər uzandıqca ağrı da verməyə başlayır. Həmçinin 3 santimetr uzunluqda olan kirpiklər görməyə də maneə yaradır".

Valeri kirpiklərini uzadaraq, onları qadınlara satmaq istəyir. Kirpikləri kəsməzdən öncə o, Ginnesin Rekordlar Kitabının qeydiyyat ofisinə getməyi planlaşdırır. Kitaba düşdükdən sonra Valeri kirpikləri kəsib satacaq.

Nura