Tabloid.az

Sərxoş kişilər İlhamənin qazanc mənbəyini azaldıb

5 Mart 2015 13:21

Müğənni İlhamə Qasımovanın Almaniyadakı işləri yarımçıq qalıb. Publika.az xəbər verir ki, ifaçı bu haqda ATV telekanalına açıqlamasında deyib:

“İqtisadi böhran bütün dünyada davam edir. Almaniyada da mənimlə işləyən sərmayədarlar qazanc əldə edə bilmədiyindən sərmayə qoyuluşunu dayandırıblar. Heç kəsin albomu satılmır. Yalnız sinqllar satılır. Sinqldan isə investor pul qazana bilmir. Sinql satışı Qərbdə reklamın bir növüdür”.

Bundan əlavə, müğənni toylara çox nadir hallarda getdiyini də əlavə edib:

“El şənliklərində ancaq öz repertuarımdan oxuyuram. Toyda 6-8 ritmik mahnı ifa olunur. Əvvəllər də çox az gedirdim. Toya gedirəm, oxuyuram, deyirlər ki, “Bu nədir e oxuyur? Mən oynamaq istəyirəm”. Belə olan halda ev yiyəsindən gərək o qədər qonorar alım ki, özümlə 5 cangüdən aparım və mənə yaxınlaşan olmasın. Estrada mahnısı oxuyuram. Toyun ortasında içkili bir qonaq gəlir ki, bunu dəyiş, oynaq mahnı oxu. Bu səbəbdən toylara getmirəm”.

İsa Şükürov