Dəb
Mövsümün klassik dəbi: Limon sarısı - FOTOLAR
Axır ki, baharın həsrətlə gözlənilən isti nəfəsi bizi öz gəlişi ilə sevindirdi. Darıxdırıcı, yağışlı soyuq havalardan sonra günəşin şüalarını hiss etmək susuz adamın suya qovuşması kimi sevindirici haldır. Mövzumuz isə bu, deyil. Bu məqalədə xanımları baharın limon qoxulu dəbi ilə tanış edəcəyəm.
Bahar palitrasını Günəşin rəngi olmadan təsəvvür edə bilmərik! İsti, müsbət və ürəkaçan limon sarısı son dövrlərdə qarşımıza çıxan sarıların ən yumşaq variantdır. Xüsusilə naxışlarda tez-tez üzləşəcəyimiz bu rəng tonu yay gələnə qədər bizə xoşbəxtlik bəxş etməyi öz öhdəsinə götürüb. Çünki Günəş çalarları - xoşbəxtlik, sevgi və müsbət emosiyalarla assosiasiya edilir. Bir çox ölkələrdə sarı uğur, tərəqqi, firavanlıq rəmzi hesab olunur.
Bu rəng romantik şəxslərin də çox xoşuna gələcək. Dizaynerlərin də bu mövsümdə ən sevimli, pozitiv və enerji saçan rəngi - sarıdır. Füsunkar qadın dəstlərini yaratmaq üçün “Nicole Miller,” “Ralph Lauren”, “Lepore Nanette”, “Ochs Cushnie Et”, “Carolina Herrera”, “Jenny Packham”, “Tracy Reese”, “Erdem”, “Georges Chakra və bir çox başqa moda evləri bu rəngdən istifadə ediblər. Dizaynerlər baharın dəbli rəngi sarını klassik göy rənglə birləşdirməyi təklif edirlər.
Sarı rəngli çanta və aksessuarları qarderobunuza çəkinmədən əlavə edə bilərsiniz. Bu rəngi adətən yeni parlaq emosiya və dəyişikliklərin intizarında olan insanlar seçirlər.
Hər il baharın başlanğıcında sarı rəngi və onun müxtəlif tonlarını vitrinlərdə görürük. Publika.az-ın tabloid bölməsi vitrinlərdə gördüyümüz rəngi necə istifadə etmək barədə sizə kömək edən stil təkliflərini təqdim edir:
Pencək: “Massimo Tutdu”
Klassik geyimi sevənlər üçün əsl yazlıq pencəkdir. Həm klassik geyimə rəng qatır, həm də dəbli görünmək üçün ideal pencək ola bilər.
Kapri: “Roman”
Kapri hicablı xanımların sanki xilaskarıdır. Demək olar ki, hər dəstdə asanlıqla istifadə olunan limon sarısı bu kapri valehedici görünür!
Etnik naxışlar bu il dəbin zirvəsini fəth edib. Basma ətəklər, güllü paltarlar bu il demək olar ki, hər kolleksiyada diqqətimizi çəkən məhsullardır. Bu naxışlar sarı ilə birləşəndə həqiqətən ecazkar görünür.
Baharın sevimli dəsti: Limon sarısı
Kombinin detalları:
Ətək: “Forewer New”
Köynək: “Uniqlo”
Baletka: “Aquazzura”
Palto: “Forewer New”
Çanta: “Saint Laurent”
Son olaraq sarının ən gözəl tonu və onunla ən yaxşı harmoniya təşkil edən badam rəngindən ibarət dəst hazırlamışıq. Xatırladaq ki, badam və bej tonları da 2015-ci ilin dəbdə olan rəngləri arasında yer alır. Bu iki rəngin birləşməsi bahar ovqatı yaradır.
AYTƏN
-
Magazin112:56
Xalq artistindən valideynlərə və müəllimlərə MÜRACİƏT - VİDEO
-
Ekologiya12:31
Sabaha olan hava PROQNOZU - 20 dərəcə isti
-
Cənubi Qafqaz12:01
Paşinyan Şahramanyana cavab verdi - İrəvanda “mühacir hökumət” davası
-
Hadisə11:46
Ağdərədə qumbaraatan tapıldı - FOTO
-
İdman11:06
"Qarabağ"ın futbolçusu Fransa klubu ilə anlaşdı - FOTOFAKT
-
Dünya10:56
NATO Rusiya ilə müharibəyə hazırlaşır - Bu ölkədən hücuma keçəcəklər
-
Nida Xəbər 10:30
Bu gün ilk Qədr gecəsidir
-
Magazin110:05
Elza qəzəbləndi: "Küçə sözlərinə əl atırlar" - VİDEO