Dünya
Britaniya kraliçası parlamenti buraxdı
Martın 30-da Böyük Britaniyada seçki kampaniyasına rəsmən start verilib. Bukingem sarayında keçirilən mərasimdə Britaniya kraliçası II Yelizaveta hazırkı parlamentin səlahiyyətinin başa çatdığını elan edib.
Publika.az xəbər verir ki, bundan qabaqkı bir çox hallardan fərqli
olaraq parlamentin budəfəki buraxılışı formal xarakter daşıyır.
Belə ki, qanunverici orqan ona ayrılan beş illik fəaliyyət
müddətini artıq bitirib. Yeni qaydalara əsasən parlament öz
fəaliyyətini seçkilərə 25 iş günü qalanadək dayandırmalıdır.
Əslində seçki kampaniyası artıq bir neçə aydır ki, davam edir. Bu gündən etibarən finiş xəttinə çıxan kampaniya artıq partiyaların öz tərəfinə daha çox elektorat cəlb etmək cəhdləri ilə yalnız sürət yığacaq.
Seçki məntəqələri bütün ölkədə mayın 7-də açılacaq. Buna baxmayaraq partiyalar arasında mübarizə artıq indidən qızışıb. Mühafizəkarlar partiyasının lideri Devid Kemeron Downing Street küçəsində yerləşən rəsmi iqamətgahının pilləkənlərində kral bəyannaməsini oxuduqdan sonra leyboristləri vergiləri kəskin şəkildə qaldırmaq niyyətində ittiham edib.
Leyboristlərin lideri Ed Milibend də öz növbəsində martın 30-da biznesmenlər qarşısında çıxış edərək mühafizəkarların hakimiyyətə gələcəyi təqdirdə ölkəni gözləyən təhlükə və bu halda Krallığın Avropa İttifaqını tərk etməsi ilə bağlı qaçılmaz referendumun keçiriləcəyi barədə xəbərdarlıq edib. Belə ki, 2017-ci ildə belə bir plebisitin keçirilməsi Devid Kemeronun seçkiqabağı əsas vədlərindən biridir.
Hazırda isə sorğulardan birinin nəticəsinə əsasən, Birləşmiş
Krallığın hər iki əsas siyasi partiyasının reytinqi təxminən
bərabərdir. Digər bir rəy sorğusuna görə isə üstünlük
leyboristlərin tərəfindədir.
-
Art19:36
Azərbaycan və Türkiyə birgə film çəkəcəklər - ADI AÇIQLANDI
-
Elm və təhsil19:12
Emin Əmrullayev ona VƏZİFƏ VERDİ
-
Kriminal18:12
Tulin Ələkbərovanın sevgilisi tərəfindən döyülməsi faktı araşdırıldı: nəticə... - VİDEO
-
Kriminal17:32
Faciəvi şəkildə ölən tələbənin ailəsi məhkəməyə getməkdən imtina etdi - FOTO
-
Nida Təhlil 17:11
İrəvan “Krokus”la bağlı bəyanatı rədd etdi: Kreml necə cəzalandıracaq?
-
Sosial16:58
Bu avtomobillərlə taksi fəaliyyəti göstərmək qadağan edildi
-
Sosial16:36
Azərbaycanda sayğaclar ikiqat hesablayır - ŞOK İDDİA
-
Sosial16:08
Əli Əsədov yeni qərar imzaladı