Dünya
Yəmənin dəniz limanları mühasirəyə alındı
Səudiyyənin rəhbərliyi altında ərəb koalisiyasının dəniz donanmalarına aid gəmilər Yəmənin dəniz limanlarını blokadaya alıb.
Publika.az-ın məlumatına görə, limanların blokadaya alınmasında məqsəd onların şiə məzhəbli husi qiyamçılarının əlinə keçməsinin qarşısını almaqdır.
Səudiyyə Hərbi Dəniz Qüvvələrinin briqada generalı, koalisiyanın sözçüsü Ahmed Asiri bildirib ki, silahların və döyüşçülərin limanlara daxil olmasına imkan verilmir.
Səudiyyə koalisiyasının təyyarələri ötən gün ərzində Yəmənin 21 əyaləti üzərində hava reydləri keçirib.
Koalisiya hava zərbələrinin köməyi ilə qiyamçıların Ədən şəhərinə daxil olmasını əngəlləmək istəyir.
Şiə qiyamçılardan qaçan Yəmən prezidenti Abdurabbo Mansur Hadi əvvəlcə bu şəhərə sığınmışdı. ABŞ-ın əl-Qaidəyə qarşı mübarizədə əsas müttəfiqlərindən olan Hadi hələ Yəmənin rəsmi prezidenti hesab olunur.
ABŞ Yəmən reydlərində Səudiyyəyə dəstək versə də, hava zərbələrində bilavasitə iştirak etmir.
Təhlilçilər bu münaqişəni şiəməzhəb İran və sünni-sələfi Səudiyyə arasında nüfuz müharibəsi kimi qiymətləndirirlər.
Husilər hava reydləri başlanandan bəri Yəməndə olan 140 xarici vətəndaşı həbs ediblər.
Onlar Səudiyyə təyyarələrinə nişançılıq etməkdə şübhəli bilinirlər.
-
Dünya10:44
Bu valideynlər bir uşağa görə 125 min manat alacaqlar
-
Region10:10
Rusiyadakı azərbaycanlılara PİS XƏBƏR - Bu sahələrdə işləmək qadağan edildi
-
Cənubi Qafqaz09:48
Rusiya bu həftə Paşinyanı devirəcək - Şok iddia
-
Hadisə09:21
Məktəb binasında yanğın
-
Sosial08:43
Azərbaycanın tanınmış professoru vəfat etdi - FOTO
-
Magazin208:36
Kristofer Nolan cəngavər olacaq, xanımı isə... - FOTO
-
Ekologiya07:17
Bu günə olan hava PROQNOZU - 20 dərəcə isti
-
Magazin206:16
Leonardo Di Kaprio ilə sevgilisi arasında NƏ BAŞ VERİR?