Qırmızı.az

"Azəryolservis": “Yol və nişan xətlərinin tələbləri pozulmasa, tıxac da olmaz”

31 Mart 2015 13:13

"Azəryolservis" ASC-nin müdaxiləsindən sonra bu gün səhər saatlarında Babək prospektində və Yusif Səfərov küçəsində sıxlıq aradan qaldırılıb.

Bu barədə Publika.az-a "Azəryolservis" ACS-nin mətbuat xidmətindən məlumat verilib. Məlumatda bildirilir ki, artıq həmin ərazidə nəqliyyatın fasiləsiz və maneəsiz hərəkəti təmin olunub:

“Yusif Səfərov küçəsinin Babək prospekti ilə kəsişməsində yol göstəriciləri, yol nişanları və üfüqi nişanlanma xətlərinin tələbləri pozulmasa, vəziyyət yaxşılığa doğru dəyişəcək. Deməli, mühəndis yanaşması ilə nəinki həmin ərazidə, digər sıxlıq olan yerlərdə də vəziyyəti tənzimləmək olar. Belə nəticə hasil olur ki, hər şey hərəkətin təşkilindən çox asılıdır”, - məlumatda bildirilib.

"Azəryolservis" yeni tikinti, yenidənqurma işləri ilə yanaşı, yaxın gələcəkdə paytaxt Bakı şəhərində hərəkətin tənzimlənməsi üçün müvafiq addımlar atacaq.

Gülnar