Polisə xəsarət yetirən sürücüdən külli miqdarda narkotik götürüldü
Bizi izləyin

Qırmızı.az

Polisə xəsarət yetirən sürücüdən külli miqdarda narkotik götürüldü

Astara rayonunda polisə xəsarət yetirib qaçan şəxsin avtomobilindən külli miqdarda narkotik və silah-sursat tapılıb.

Bu barədə Publika.az-a Daxili İşlər Nazirliyinin mətbuat xidmətindən məlumat verilib. Məlumata görə, martın 30-da saat 12 radələrində Astara şəhərində Rayon Polis Şöbəsinin əməkdaşı, polis serjantı Ayaz Hüseynov xidmətdə olarkən özünü şübhəli aparan “Kia” markalı avtomobilin sürücüsü Seymur Əliyevə yaxınlaşaraq sənədlərini təqdim etməsini tələb edib.

Lakin o, polisə tabe olmayaraq avtomobili hərəkətə gətirib. A.Hüseynova ayaq nahiyəsindən xəsarət yetirdikdən sonra maşından düşərək hadisə yerini tərk edib.

A.Hüseynovun avtomobilinə baxış zamanı 250 qram heroin, evindən isə 1 kiloqram 100 qram tiryək, 20 qram həşiş, 1 qram antefamin həbi, 1 ədəd müvafiq sənədləri olmayan “İJ” markalı tüfəng, 54 ədəd patron və 1 ədəd beşbarmaq-bıçaq aşkar edilərək götürülüb.

Faktla əlaqədar əməliyyat-axtarış tədbirləri aparılır.

Oxumağa davam et
Reklam
Reklam

Gündəm