Dünya
Yaponiyanın Baş naziri Çernobıl AES-ə baş çəkməyi planlaşdırır
İyunun əvvəllərində Ukraynaya səfər etmək istəyən Yaponiyanın Baş naziri Şinzo Abe Çernobıl Atom Elektrik Stansiyasına (AES) baş çəkməyi də planlaşdırır.
Publika.az Azərtac-a istinadən xəbər verir ki, bu barədə Yaponiyanın NHK ictimai televiziyası məlumat yayıb.
Yaponiyanın Baş naziri G7-nin iyunun 7-8-də Bavariyada keçiriləcək sammitində iştirak etmək üçün Almaniyaya səfəri zamanı yolüstü Ukraynaya da baş çəkməyi nəzərdə tutur. Kanalın yaydığı məlumata görə, Ukraynada olacağı müddətdə Şinzo Abe 29 il əvvəl dəhşətli faciənin baş verdiyi Çernobıl AES-ə baş çəkmək istəyir.
Ötən il xarici işlər naziri Fumio Kişida Yaponiya hökumətinin ilk rəsmi nümayəndəsi kimi Çernobıl AES-də olub. Yaponiya “Fukusima-1” AES-də 2011-ci ilin martında baş vermiş qəzanın nəticələrini aradan qaldırarkən Çernobıl faciəsi zamanı əldə edilmiş təcrübədən maksimum yararlanmağa çalışır. Məhz sovet mütəxəssislərinin topladığı informasiyadan istifadə edən Yaponiya hökuməti qida məhsullarında radioaktiv maddələrin mümkün normasını müəyyənləşdirib, həmçinin Fukusima prefekturasında əhalinin tibbi müayinədən keçirilməsini təşkil edib.
-
Magazin120:59
Dilarə səhnə geyimi ilə gündəm oldu - VİDEO
-
Elm və təhsil20:40
Buraxılış imtahanının nəticələri açıqlandı
-
Ekologiya18:49
Hava şəraiti kəskin dəyişəcək - XƏBƏRDARLIQ
-
Avropa18:38
İranın Parisdəki konsulluğuna partlayıcı ilə daxil olan şəxs SAXLANILDI
-
Region17:53
Əcnəbilərə sertifikatları pulla satan rektor işdən çıxarıldı
-
Nida Xəbər 17:20
Razılıq əldə edildi: Qazaxın 4 kəndi Azərbaycana qaytarılır
-
Rəsmi xronika16:58
İlham Əliyev bu qanunu təsdiqlədi
-
Magazin116:03
Məşhurlar televiziyaların paxırını açdılar: “Yatağa girib irəli gedirlər”