Məktəb xuliqanlarına həsr olunan mahnı Avropanı fəth etdi - FOTOLAR

Bildiyimiz kimi, Mons Selmerlev “Heroes” (“Qəhrəmanlar”) ifası ilə “Eurovison-2015” mahnı müsabiqəsinin qalibi seçildi. Onun sözlərinə əsasən, mahnı xuliqanlar tərəfindən incidilən məktəblilərə həsr edilib.

Publika.az xarici mətbuata istinadən xəbər verir ki, əslində, mahnı Monsun məktəb illərinə həsr olunub.

Həmçinin mahnının sözlərində Mons məktəb illərini xatırlayır. Belə ki, o, məktəbdə oxuyarkən məktəb xuliqanlarından biri onu incidib və Monsun bütün dostları ondan üz çevirib. Sonra isə incidilən oğlan məktəbini dəyişməli olub. Ona görə də mahnın ifası zamanı səhnədə Em-Pi (Monspeter-ifaçının tam adı) adlı animasiyalı personaj peyda olub.

Müsabiqənin qalibi deyib: “Səhnədəki fiqur mənim məktəb illərimdə olan anları əks etdirir. Özüm isə xuliqanın incitdiyi oğlanı müdafiə edən, dəstək çıxan obrazı canlandırırdım. Kimliyimizdən və kimi sevməyimizdən asılı olmayaraq, bizim hamımız qəhrəmanıq. Hesab edirəm ki, cəmiyyətdəki zəifləri dəstəkləməliyik. Mahnımın insanlara təsir göstərəcəyinə inanıram”.

Nura