Dünyada ideal bədən quruluşuna sahib olan qadının adı açıqlandı – FOTOLAR

Aktrisa Skarlet Yohanssonun bədən quruluşu ideal parametrlərə yaxındır.

Britaniyanın alt paltarı brendi “Bluebella” ideal proporsiyanın sahibini müəyyənləşdirmək məqsədi ilə ulduzların arasında qeyri-adi araşdırma aparıb. Publika.az Rusiya mətbuatına istinadən xəbər verir ki, tanınmış şəxslərin bədən ölçüləri dünyada bir qayda olaraq qəbul olunan qədim yunanların riyazi gözəllik hesablamaları əsasında müəyyənləşdirilib. Bu hesablamalarda Skarlett Yohanssonun ideala ən yaxın bədən ölçülərinə sahib olduğu məlum olub.

Yeri gəlmişkən, bu günlərdə aktrisa Google Şirkətinin versiyası üzrə dünyanın ən gözəl qadını adlandırılmışdı.

İdeala yaxınlığına görə ikinci yerdə Kim Kardaşiyan qərarlaşıb. Nə qədər qəribə də olsa, 69 yaşının olmasına baxmayaraq, aktrisa Helen Mirren ideal bədən quruluşuna sahib olan qadınlar arasında üçüncü olub. Ondan sonra siyahıda Kemeron Dias, Kelli Bruk və Keti Perri, Salma Hayek, El Makferson gəlir.

“Bluebella” alt paltarı brendinin rəsmisi Emili Bendel "Biz dolu bədən quruluşuna sahib olan məşhurların yüksək bal toplayaraq ilk yerlərdə qərarlaşmasına sevinirik. Bu isə o deməkdir ki, gözəl görünmək üçün model kimi arıq olmaq şərt deyil” – deyib.

Fidan