Əsəd-“Hizbullah” ittifaqı genişmiqyaslı hücuma başladı - VİDEO
Bizi izləyin

Dünya

Əsəd-“Hizbullah” ittifaqı genişmiqyaslı hücuma başladı - VİDEO

Suriya rejimin ordu qüvvələri ilə Livanın “Hizbullah” təşkilatı Livanla sərhəddə yerləşən Zabadani şəhərinə hücuma başlayıb.

Publika.az xarici mediaya istinadən xəbər verir ki, Suriya dövlət televiziyası şəhərin güclü top atəşinə tutulduğunu xəbər verib.

Paytaxt Dəməşqin şimali-qərbində yerləşən şəhər müxalifətin Livan sərhədindəki son qalalarından biri hesab olunur. Zabadaninin strateji əhəmiyyəti Livan və Suriyanı bir-birinə bağlayan Beyrut-Dəməşq şosesi üzərində yerləşməsi ilə izah olunur.

Suriya dövlət televiziyası rejim güclərinin cəbhənin bir neçə istiqamətində böyük irəliləyişə nail olduğunu və müxalifətin ağır itkilər verdiyi bildirib.

Suriyanın rəsmi xəbər agentliyi SANA 100-ə qədər müxalifət silahlısının öldürüldüyünü qeyd edib.

Ömər Dağlı

Oxumağa davam et
Reklam
Reklam

Gündəm