Bizim tərcümə
“Kobud kişilər məni cəlb edir...” FOTOLAR
Ən sirli, ən zərif fransız aktrisası və inanılmaz
yaşıl gözələrə malik Karol Buke 1957-ci ilin 18 avqustunda dünyaya
gəlib.
O, aktrisa olmağa çalışmırdı, kastinqlərə qatılmırdı. Tale sanki
özü onu bu yolla getməyə məcbur edirdi... 1990-cı ildə Karol “Sənin
üçün çox gözəldir” filmindəki roluna görə “Sezar” mükafatına layiq
görülür və Fransanın ən yaxşı aktrisası seçilir. 15 il ərzində o,
əfsanəvi Chanel evinin siması olur.
Gözəl aktrisanın həyatında bir evlilik olur. Prodüser Jan-Pyer Rassamla. (1985-ci ildə aktrisa dul qalır.) Onun Dmitriy və Lui adlı iki oğlu var. Karol Fransanın ən sevimli aktyoru Jerar Depardye ilə də eşq yaşayır. Onların eşq macərası əsasında gözəl bir film çəkilə bilərdi, bəlkə də, hələ çəkiləcək. Biz bu romanı səkkiz əsas hissəyə bölürük.
Tanışlıq
Gənc Karol və gənc Jerar 1979-cu ildə rejissor Bertran Blienin
“Soyuq qəlyanaltı” filminin çəklişləri zamanı tanış olurlar. Karol
həddindən artıq cazibədar idi.
Əlbəttə ki, ehtiraslı Depardye belə gözəlliyin qarşısında dayana
bilməzdi. Lakin Karol çox ciddi idi və Jerarın görüşmək
təkliflərinə müsbət cavab vermirdi.
Həm də Jerardan böyük şey gözləməyə dəyməzdi, o, evli idi və
ailəsinə sadiq insan idi. Onlara yalnız çəkilişlərin son günü
dostluğun şərəfinə qədəhlərini qaldırmaq qalır.
İşdə məhəbbət
1984-cü ildə Blie “Sağ sahil, sol sahil” filmini çəkir. Aktyorlar yenidən çəkiliş meydanında görüşürlər. Həmin vaxt Karol artıq iki uşaqla qalmış dul qadın idi. Onun həyat yoldaşı vəfat etmişdi. Jerar aktrisanın tənha olduğunu, bundan əzab çəkdiyini görür. Odur ki, Karolu qayğı ilə əhatələyir. Nəhayət, buz ürəkli aktrisa bu diqqətin, qayğının, zərifliyin qarşısında təslim olur. Xoşbəxt, sevgili günlər bir-birini əvəzləyir, lakin bu... işdə məhəbbət olaraq qalır. Çəkilişlərdən sonra hərə öz həyatını davam etdirir. Karol onun həyatını dağıtmaq istəmirdi. Lakin Jerar hələ də ona qarşı biganə deyildi...
Onun üçün çox gözəldir
Sevgililərin növbəti görüşü 1989-cu ildə, yenə də Blienin “Sənin
üçün çox gözəldir” filmində baş tutur. Bu zaman Karol Chanel-in
siması idi. Deperdye inanmırdı ki, onunla bir vaxtlar sevgili olan
yumşaq Karol indi əlçatmaz kraliçaya çevrilib. Jerar, açığı, Karol
üçün çox darıxmışdı və onunla görüşmək üçün məqam axtarırdı. Lakin
Karolla görüşmədiyi müddətdə Jerar sineqallı modellə ehtiraslı eşq
yaşamışdı və bu nəticədə, ondan bir qızı da dünyaya gəlmişdi.
Karol isə Depardyenin qanuni həyat yoldaşı kimi, buna görə əzab
çəkirdi. Amma onlar heç nəyə baxmadan, yenidən gizli eşq yaşamağa
başlayırlar. Birgə planlar qururlar, lakin bir yerdə yaşamağa
əvvəlki kimi ürək etmirlər...
Hollivudsayağı ehtiras
1994-cü ildə Depardyeni Hollivuda dəvət edirlər. “Sirano de
Berjerak”dan sonra o Yeni dünyada da məşhurluq qazanır. Bu film
“Oskar”, “Sezar”, “Qızıl palma budağını” və “Qızıl qlobus”
mükafatlarını alır.
Hollivudda aktyor çox işləyirdi və buradan tez-tez Karola zəng
edirdi.
Lakin həmişə soyuqqanlı olmağa öyrəşən Karol dözmür və Hollivuda
gəlir. Buna görə o, hətta hansısa bir filmdə kiçik rol almağa da
razı olur. Onun kimi aktrisa üçün bu yolverilməz idi, lakin Karol
üçün indi vacib olan hissləri idi...
Məhəbbət və razılıq... nikahsız
Onlar şəxsi həyatları haqda heç bir sulları cavablandırmırdılar.
Jerar və Karol sadəcə bir yerdə idilər və bir-birilərini
sevirdilər.
Depardye Karolda şərabçılığa maraq oyadır və onunla filmdə
çəkilməklə yanaşı, birgə yeni şərablar istehsal etməyə başlayırlar.
Ancaq toy hər dəfə bir səbəbdən təxirə salınırdı...
Ayrılıq
Onlar bir neçə il bir yerdə yaşayırlar. Lakin günlərin bir günü Jerar gözlənilmədən birgə istirahəti pozub təkbaşına Parisə uçur. Karol isə malikanədə tək qalır. Depardye gedəndən sonra Karol da Parisə yollanır. Elə həmin gün Karol Jerarın çox sevdiyi şabalıdı saçlarını kəsdirir.
Sadəcə dost qalmaq
2005-ci ildə Jerar Deperdye və Karol Buke rəsmi olaraq
ayrıldıqlarını elan edirlər:
“Mən onu çox sevirdim, ancaq biz ayrıldıq” – aktrisa söyləyir.
Ayrılığın səbəbləri barədə isə heç nə demirlər. Lakin Jerar bir
cümlə işlədir: “Karolun yalnız bir çatışmazlığı var –
qısqanclıq”.
Nəticədə, onlar dost olaraq qalırlar.
Çox ağır dad, ancaq zərif qoxu
Ayrılıqlarından bir il sonra Jerar Depardye “Karol Buke La Krua
de Peyroli” adlı şərabını buraxır.
“Mən təəssüflənmirəm, nişan şən idi, baxmayaraq ki, münasibətlər
çox gərgin idi. Depardye yöndəmsiz ayıdır. Görünür, təbiətdən
qaçmaq olmaz – kobud kişilər məni cəlb edir. – Karol
müsahibələrinin birində keçmiş sevgilisi barədə deyir.
Tərcümə: Aytən Cavanşir
-
Sosial16:58
Bu avtomobillərlə taksi fəaliyyəti göstərmək qadağan edildi
-
Sosial16:36
Azərbaycanda sayğaclar ikiqat hesablayır - ŞOK İDDİA
-
Sosial16:08
Əli Əsədov yeni qərar imzaladı
-
Rəsmi xronika14:51
İlham Əliyev bu qanunu təsdiqlədi
-
Nida Xəbər 14:26
Yeni Kaledoniyada Azərbaycan bayrağı qaldırıldı
-
Magazin113:31
Tolik pərt etdi: "Bu da liftdə öpüşən Sabir" - VİDEO
-
Magazin112:56
Xalq artistindən valideynlərə və müəllimlərə MÜRACİƏT - VİDEO
-
Ekologiya12:31
Sabaha olan hava PROQNOZU - 20 dərəcə isti