Xəbərlər - Publika.az
Bizi izləyin

Dünya

Putindən Qazaxıstanla bağlı SON DƏQİQƏ AÇIQLAMASI: İmkan verməyəcəyik! - VİDEO

Video əlavə olunub.

xxx

Qazaxıstan öz dövlətçiliyi üçün təhlükə ilə üz-üzədir.

Publika.az xəbər verir ki, bunu Rusiya Prezidenti Vladimir Putin KTMT Kollektiv Təhlükəsizlik Şurasının növbədənkənar sessiyasında çıxışı zamanı deyib.

“Qazaxıstandakı vəziyyət hamımızı narahat edir. Qazaxıstana hücum təcavüz aktıdır, buna gecikmədən reaksiya vermək lazım idi”, - Putin bildirib.

O bildirib ki, öz funksiyalarını yerin yetirdikdən sonra Kollektiv Təhlükəsizlik Müqaviləsi Təşkilatının (KTMT) sülhməramlı kontingenti Qazaxıstandan çıxarılacaq.

Putin qeyd edib ki, sülhməramlı kontingent məhdud müddət ərzində Qazaxıstanda qalacaq: "Qazaxıstana təhdid etiraz aksiyaları ilə deyil, əlinə silah alanlar tərəfindən yarandı. Qazaxıstan beynəlxalq terrorçuluqla üz-üzə qaldı", - deyə o bildirib.

Putin sözlərinə belə davam edib: "Əminəm ki, ən qısa zamanda Qazaxıstanda vəziyyət stabilləşəcək. Qazaxıstandakı hadisələr kənar müdaxilələrin nə ilk, nə də son nümunəsidir. Amma biz evimizdə vəziyyəti dəyişməyi, rəngli inqilab ssenarilərinin reallaşdırılmasına imkan verməyəcəyimizi göstərdik"

Rəylər

Dünya

Türkiyədə 5,0 bal gücündə zəlzələ oldu

Türkiyənin mərkəzi hissəsində zəlzələ baş verib.

Publika.az xəbər verir ki, bu barədə bu barədə Avropa-Aralıq dənizi Seysmoloji Mərkəzi məlumat yayıb.

Məlumata görə, zəlzələnin episentri təxminən 592 min nəfər əhalisi olan Kayseri şəhərindən 52 km şimal-şərqdə yerləşib. Zəlzələnin ocağı 1 km dərinlikdə yerləşib.

Dağıntı və ya tələfat barədə məlumat yoxdur.

Oxumağa davam et

Dünya

Rusiya neftin ixrac rüsumunu yenidən artırır

Cari il fevralın 1-dən Rusiyada neftin ixrac rüsumu 1 dollar artaraq bir ton üçün 47,7 dollar təşkil edəcək.

Publika.az TASS informasiya agentliyinə istinadla xəbər verir ki, bu barədə Rusiya Maliyyə Nazirliyinin bəyanatında deyilir.

Nazirlikdən bildirilib ki, ötən il dekabrın 15-dən bu il yanvarın 14-dək Rusiyanın ixrac etdiyi “Urals” markalı neftinin bir barel üçün orta qiyməti 77,1 dollar və ya bir ton üçün 563,3 dollar olub.

Qeyd edək ki, hazırda neftin ixrac rüsumu bir ton üçün 46,7 dollar təşkil edir.

Oxumağa davam et

Dünya

Qazaxıstan Türkiyəyə təşəkkür etdi

Türkiyə prezidentinin köməkçisi Fuat Oktay Qazaxıstanın baş naziri Alixan Smailov ilə telefonla danışıb.

Publika.az TRT-yə istinadla xəbər verir ki, söhbət zamanı ikitərəfli əlaqələr və regional məsələlər müzakirə edilib.

Ölkədə baş verənlərin təəssüf doğurduğunu deyən Oktay hər zaman qardaş xalqa dəstək verməyə hazır olduqlarını bildirib. Türkiyə prezidentinin köməkçisi dost Qazaxıstanın dövlət ənənəsi və qazax xalqının sağlam düşüncəsi ilə bu problemin öhdəsindən gələcəyinə və prosesdən daha güclü çıxacağına şübhə etmədiklərini vurğulayıb.

Smailov isə çətin dövrdə göstərilən dəstəyə görə Türkiyəyə minnətdarlıq edib. O, qardaş ölkə ilə münasibətləri yüksək qiymətləndirərək Türkiyənin Qazaxıstanın strateji tərəfdaşı olduğunu diqqətə çatdırıb.

Oxumağa davam et
Reklam

Gündəm