Xəbərlər - Publika.az
Bizi izləyin

Dünya

İlham Əliyevlə Zelenskinin geniş tərkibdə görüşü keçirilib - YENİLƏNDİ

Yanvarın 14-də Ukraynada işgüzar səfərdə olan Azərbaycan Respublikasının Prezidenti İlham Əliyevin və Ukrayna Prezidenti Volodimir Zelenskinin geniş tərkibdə görüşü keçirilib.

Publika.az xəbər verir ki, Azərbaycan Prezidenti İlham Əliyevə təşəkkürünü bildirən Ukrayna Prezidenti Volodimir Zelenski çıxış edərək deyib:

-Təşəkkür edirəm!

Azərbaycan Prezidenti İlham Heydər oğlu Əliyevlə gözəl, çox məzmunlu söhbətimiz oldu. Mən onu, onun komandasını, xüsusən indiki vaxtda, COVID-ə baxmayaraq Ukraynada görməyimə çox şadam. COVID həqiqətən ölkələrimiz üçün böyük təhdiddir. Lakin biz başa düşürük ki, COVID-lə mübarizə aparmalıyıq, görüşməliyik ki, gələcəkdə ölkələrimiz arasında gözəl münasibətləri inkişaf etdirək.

Ukraynanı, bizim suverenliyimizi, dövlətlərimiz arasında mövcud olan birgə layihələri dəstəklədiyinizə görə Sizə təşəkkür edirəm. Əminəm ki, həmin layihələr gələcəkdə bizim münasibətlərimizi inkişaf etdirəcək.

Bu gün biz bir neçə məsələni qaldırdıq: enerji xarakterli, infrastruktur, nəqliyyat məsələləri, hərbi-texniki əməkdaşlıq və sair – çoxlu məsələlər. Düşünürəm ki, aqrosənaye kompleksi məsələsi ən vacib məsələdir, ona görə ki, bu gün ərzaq təhlükəsizliyi təbabətdə təhlükəsizlik və ya dünyada prioritet olan enerji təhlükəsizliyi və müstəqillik ilə müqayisədə heç də az aktual deyil. Fikrimcə, bu birgə layihələrin başlanğıcı kimi mühüm sənədləri biz hökmən imzalayacağıq və bu layihələrin nazirliklər səviyyəsində tamamlanmasını davam etdirəcəyik.

Azərbaycan Prezidentinə bir daha təşəkkür etmək istəyirəm ki, belə mürəkkəb bir zamanda Ukraynaya səfər üçün vaxt tapıb. Bu, birinci səfər deyil və artıq dəqiq başa düşürəm ki, sonuncu səfər də deyil.

Azərbaycan Prezidenti İlham Əliyev deyib:

- Təşəkkür edirəm cənab Prezident, məni Ukraynaya dəvət etdiyiniz üçün Sizə minnətdaram. Şadam ki, yenidən gözəl ölkənizə səfər edirəm. Qeyd etdiyiniz kimi, bu gün keçirdiyimiz təkbətək görüş çox məhsuldar olub. Ukrayna və Azərbaycan uzun illər ərzində bir-biri ilə uğurla əməkdaşlıq edir, biz beynəlxalq platformalarda da bir-birimizin maraqlarını müdafiə edirik. İki ölkənin bir-birinin ərazi bütövlüyünün qarşılıqlı surətdə dəstəklənməsi, müdafiə edilməsi əməkdaşlığımızın səviyyəsindən xəbər verir. Bu gün siyasi dialoqla bərabər, çox geniş iqtisadi gündəliyimiz var. Bu gün biz Sizinlə bu gündəliyi geniş, bir-bir müzakirə etdik və qeyd etdiyiniz kimi, çox gözəl perspektivlər var.

Şadam ki, artıq iqtisadi sahədə canlanma var, baxmayaraq ki, pandemiya hələ davam edir. Amma ticarət dövriyyəmizin qalxmasına nəzər salsaq görərik ki, müsbət meyillər mövcuddur. Bu gün müzakirə etdiyimiz və əminəm ki, həyata keçiriləcək məsələlər və layihələr bizim iqtisadi əməkdaşlığımızı dərinləşdirəcək. Ənənəvi olaraq, energetika sektorunda bizim əməkdaşlığımız var, Azərbaycan Dövlət Neft Şirkəti - SOCAR uzun illər Ukraynada fəaliyyət göstərir və bu fəaliyyəti genişləndirmək istəyir. Nəqliyyat, kənd təsərrüfatı, turizm sektorlarının da böyük perspektivləri var. Əsas odur ki, hökumətlərarası komissiya bütün bu məsələləri geniş təhlil edib konkret qərarların hazırlanması ilə bağlı bundan sonra da fəal məşğul olsun. Mən komissiyanın fəaliyyətini müsbət qiymətləndirirəm və eyni zamanda, müxtəlif dövlət qurumları arasındakı təmaslar da son vaxtlar daha intensiv xarakter alır. Həm qarşılıqlı səfərlər, eyni zamanda, telefon vasitəsilə təmaslar bir çox məsələlərin həllinə xidmət göstərir.

Ukrayna ilə Azərbaycan arasında uzun illər qarşılıqlı surətdə faydalı əlaqələr davam edir. Əminəm ki, bu səfərdən sonra biz əməkdaşlığımızın daha da dərinləşməsini, bütün sahələrdə dərinləşməsini görəcəyik. Bir daha dəvətə və qonaqpərvərliyə görə təşəkkürümü bildirirəm.

Görüşdə iqtisadi sahədə, o cümlədən kənd təsərrüfatı, nəqliyyat, enerji, qida təhlükəsizliyi sahələrində əməkdaşlıqla bağlı məsələlər müzakirə edilib.


*****

15:31

Yanvarın 14-də Ukraynada işgüzar səfərdə olan Azərbaycan Respublikasının Prezidenti İlham Əliyevin və Ukrayna Prezidenti Volodimir Zelenskinin geniş tərkibdə görüşü keçirilir.

Rəylər

Dünya

Türkiyədə 5,0 bal gücündə zəlzələ oldu

Türkiyənin mərkəzi hissəsində zəlzələ baş verib.

Publika.az xəbər verir ki, bu barədə bu barədə Avropa-Aralıq dənizi Seysmoloji Mərkəzi məlumat yayıb.

Məlumata görə, zəlzələnin episentri təxminən 592 min nəfər əhalisi olan Kayseri şəhərindən 52 km şimal-şərqdə yerləşib. Zəlzələnin ocağı 1 km dərinlikdə yerləşib.

Dağıntı və ya tələfat barədə məlumat yoxdur.

Oxumağa davam et

Dünya

Rusiya neftin ixrac rüsumunu yenidən artırır

Cari il fevralın 1-dən Rusiyada neftin ixrac rüsumu 1 dollar artaraq bir ton üçün 47,7 dollar təşkil edəcək.

Publika.az TASS informasiya agentliyinə istinadla xəbər verir ki, bu barədə Rusiya Maliyyə Nazirliyinin bəyanatında deyilir.

Nazirlikdən bildirilib ki, ötən il dekabrın 15-dən bu il yanvarın 14-dək Rusiyanın ixrac etdiyi “Urals” markalı neftinin bir barel üçün orta qiyməti 77,1 dollar və ya bir ton üçün 563,3 dollar olub.

Qeyd edək ki, hazırda neftin ixrac rüsumu bir ton üçün 46,7 dollar təşkil edir.

Oxumağa davam et

Dünya

Qazaxıstan Türkiyəyə təşəkkür etdi

Türkiyə prezidentinin köməkçisi Fuat Oktay Qazaxıstanın baş naziri Alixan Smailov ilə telefonla danışıb.

Publika.az TRT-yə istinadla xəbər verir ki, söhbət zamanı ikitərəfli əlaqələr və regional məsələlər müzakirə edilib.

Ölkədə baş verənlərin təəssüf doğurduğunu deyən Oktay hər zaman qardaş xalqa dəstək verməyə hazır olduqlarını bildirib. Türkiyə prezidentinin köməkçisi dost Qazaxıstanın dövlət ənənəsi və qazax xalqının sağlam düşüncəsi ilə bu problemin öhdəsindən gələcəyinə və prosesdən daha güclü çıxacağına şübhə etmədiklərini vurğulayıb.

Smailov isə çətin dövrdə göstərilən dəstəyə görə Türkiyəyə minnətdarlıq edib. O, qardaş ölkə ilə münasibətləri yüksək qiymətləndirərək Türkiyənin Qazaxıstanın strateji tərəfdaşı olduğunu diqqətə çatdırıb.

Oxumağa davam et
Reklam

Gündəm