Xəbərlər - Publika.az
Bizi izləyin

Dünya

Yaponiyanın sabiq baş naziri vəfat etdi

Yaponiyanın sabiq Baş naziri, 1991-ci ildə ölkənin özünümüdafiə qüvvələrini İran körfəzinə göndərməsilə ölkə tarixinə düşən Toşiki Kayfu 91 yaşında vəfat edib.

Publika.azxəbər verir ki, bu barədə məlumat verən Yaponiya Nazirlər Kabinetinin baş katibi Hirokazu Matsuno onun yanvarın 9-da vəfat etdiyini bildirib. Sabiq Baş nazirin vəfat etməsinin səbəbləri barədə məlumat verilmir.

“T.Kayfu İran körfəzində müharibə də daxil olmaqla özünü mürəkkəb beynəlxalq şəraitdə çoxsaylı problemlərin həllinə həsr etmişdir”, - deyə baş katib bildirib.

Qeyd edək ki, Naqoyada anadan olan T.Kayfu qanunvericinin katibi kimi əmək fəaliyyətinə başlamış, ilk dəfə 1960-cı ildə nümayəndələr palatasının üzvü seçilmişdir. 1989-cu ilin avqustunda Yaponiyanın Baş naziri vəzifəsinə təsdiq olanadək o, Nazirlər Kabineti baş katibini müavini və təhsil naziri kimi mühüm vəzifələrdə çalışmışdır.

1990-cı ildə İraqın Küveytə hücumundan sonra T.Kayfu Yaponiya özünümüdafiə qüvvələrinin İran körfəzinə göndərilməsi barədə qərar qəbul etmişdi. Həmin vaxt ABŞ-ın rəhbərlik etdiyi koalisiya qüvvələri Yaponiyanı ümumi işə yalnız 13 milyard dollar yardım göstərməsi ilə bağlı kəskin tənqid etmişdilər.

Bu yaxınlarda ictimaiyyətə açıqlanan diplomatik sənədlərdə ABŞ-ın sabiq Prezidenti ata Corc Buşun Yaponiyanın özünümüdafiə qüvvələri də daxil olmaqla müvafiq maddi-texniki dəstəyin göstərilməsi üçün ona etdiyi güclü təzyiq barədə məlumatlar yayılıb.

Ölkənin siyasi sistemini dəyişmək barədə verdiyi vədləri həyata keçirə bilməyən T.Kayfu 1991-ci ilin noyabrında müvafiq qanunvericilikdə dəyişikliklərə nail olmadığına görə istefa verməyə məcbur olmuşdu.

Rəylər

Dünya

Rusiya-ABŞ danışıqları nəticəsiz qaldı

Rusiyanın ABŞ-dakı səfiri Anatoli Antonov bildirib ki, NATO və Amerika ilə danışıqlardan sonra konkret nəticə yoxdur. 

Publika.az xəbər verir ki, diplomat bu barədə sosial media hesabında bildirib.

Antonov qeyd edib ki, danışıqların əsas mövzusu Moskvanın təklif etdiyi saziş layihələri əsasında təhlükəsizlik təminatlarının hazırlanması yolu ilə Avropada sülhün və sabitliyin qorunması olub. O, Ukraynadakı vəziyyətin Cenevrədə Rusiya-Amerika danışıqlarının gündəmində olmadığına, Brüsseldə NATO ilə məsləhətləşmələrdə yalnız ikinci dərəcəli mövzu kimi qeyd edildiyinə aydınlıq gətirib.

Antonov həmçinin bildirib ki, NATO-nun Şərqə doğru genişlənməsi Rusiyanın milli təhlükəsizliyinə əsas təhdidlərdən biridir. O əlavə edib ki, alyansın irəliləyişi ilə əlaqədar Moskva, Sankt-Peterburq və ölkənin Avropa hissəsinin digər şəhərlərinə aviasiya və raket silahlarının uçuş məsafəsi də azalır. “Vaşinqton, Nyu-York və ya Los-Anceles “silahın altında” olsaydı, ABŞ hökuməti necə reaksiya verərdi?” - deyə Antonov vurğulayıb.

Oxumağa davam et

Dünya

Etirazçıların önünə çıxmayan mer işdən qovuldu

Qazaxıstanın Atırau şəhər administrasiyasının rəhbəri Kayrat Urazbayev vəzifəsindən azad edilib.

Publika.az Axar.az-a istinadla xəbər verir ki, bu barədə Qazaxıstan mətbuatı məlumat yayıb.

Məlumata görə, Atırauda yanvarın 4-də baş verən mitinq zamanı Urazbayev etirazçıların qarşısına çıxmayıb. 

Bildirilib ki, Kayrat Urazbayev dekabrın 31-dən bayram tətilinə, daha sonra isə xəstəliklə bağlı bülletenə çıxıbmış.

Oxumağa davam et

Dünya

Aktau aeroportu nəzarətə götürüldü

Aktau hava limanı Qazaxıstan Milli Təhlükəsizlik Komitəsinin Sərhəd Xidməti tərəfindən nəzarətə götürülüb.

Publika.az xəbər verir ki, bu barədə “Sputnik Qazaxıstan” məlumat yayıb.

Bildirilib ki, ölkə rəhbərliyi təhlükəsizlik tədbirlərini gücləndirmək məqsədilə bu qərarı alıb.

Xüsusi təyinatlı mobil əməliyyatlar şöbəsinin əməkdaşları pasport nəzarətinə, nəzarət-buraxılış məntəqələrinə, eləcə də “Kazaeronaviqasiya” qülləsində nəzarəti gücləndiriblər.

Qeyd edək ki, yanvarın 4-dən 7-dək Aktau hava limanında fövqəladə vəziyyətlə əlaqədar uçuşlar dayandırılmışdı.

Oxumağa davam et
Reklam

Gündəm