Xəbərlər - Publika.az
Bizi izləyin

Dünya

QƏRAR VERİLDİ: Peyvənd olunmayan yaşlı insanlar cərimələnəcək

Yanvarın 16-dan etibarən Yunanıstanda yeni növ koronavirusa qarşı peyvənd olunmayan yaşı 60-ı keçən şəxslər cərimə olunacaq.

Publika.azxəbər verir ki, bu barədə hökumət sözçüsü Yannis Ekonomu mətbuat konfransında məlumat verib. O bildirib ki, sözügedən kateqoriyaya aid vətəndaşlara 16 yanvaradək azı 1 doza vaksin qəbul etməyə möhlət verilib. Bu tarixdən sonra peyvənd olunmayan yaşlılar hər ay 100 avro cərimə ediləcək.

Hökumət sözçüsü əlavə edib ki, reanimasiyaya yerləşdirilən hər 10 sakindən 7-nin yaşı 60-dan çoxdur. Süni tənəffüs cihazına qoşulan hər 10 pasientdən 9-u vaksin olunmayanlardır. Covid-19-dan dünyasını dəyişən hər 10 nəfərdən 9-nun yaşı 60-ı keçib.

Rəylər
Oxumağa davam et
Reklam

Dünya

Paşinyan yenidən koronavirusa yoluxdu

Ermənistanın Baş naziri Nikol Paşinyan koronavirusa yoluxub.

Publika.az xəbər verir ki, bu barədə Ermənistan Nazirlər Kabinetinin mətbuat xidməti məlumat yayıb.

Bildirilib ki, Baş nazir xəstəliyi simptomsuz keçirir. O, özünü təcrid edib və fəaliyyətini distant formada davam etdirəcək.

Qeyd edək ki, Ermənistanın Baş naziri Nikol Paşinyan artıq ikinci dəfədir koronavirusa yoluxub. Onda birinci yoluxma halı 2020-ci ilin iyun ayında qeydə alınıb.

Oxumağa davam et

Dünya

Ermənistan-Rusiya yolu bağlandı

Ermənistanı Rusiyaya birləşdirən yeganə magistral - Yuxarı Lars yolu güclü qar və yolların buz bağlaması səbəbindən bağlanıb.

Publika.az xəbər verir ki, bu barədə Gürcüstanın Fövqəladə Hallar Nazirliyi məlumat yayıb. 

Bildirilir ki, yolların bağlanmasına görə, Ermənistandan yola çıxan iri tonnajlı 50 yük maşını Rusiya sərhədində qalıb. 

Lars yolunun  nə zaman açılacağı məlum deyil. 

Tural Turan

Oxumağa davam et

Dünya

Rusiya Ukraynanı işğal edərsə... - Conson

Böyük Britaniyanın Baş naziri Boris Conson Rusiya Ukraynanı işğal edərsə, Britaniya ordusunun yeni NATO qoşunlarının yerləşdirilməsinə töhfə vermək istəyəcəyini deyib. 

Publika.az xəbər verir ki, bu barədə Böyük Britaniya KİV-ləri məlumat yayıb.

Conson Rusiya Prezidenti Vladimir Putinə xəbərdarlıq edib ki, Ukraynada güclü müqavimət olacaq və bir çox “rus analarının oğulları” evlərinə qayıtmayacaq.

Boris Conson Rusiyanı mümkün sanksiyalarla hədələyib.

Qeyd edək ki, rəsmi Moskva Krım və Ukrayna sərhədində yeni hərbi təlimlərə başladığını açıqlayıb.

Rusiya ölkənin cənubunda yanvarın 29-na qədər davam edəcək hərbi təlimə 6 minə yaxın əsgərin qatıldığını bildirib. Təlimdə quru qoşunları ilə yanaşı, dəniz və hava qüvvələri də iştirak edir. 

Oxumağa davam et
Reklam

Gündəm