Xəbərlər - Publika.az
Bizi izləyin

Dünya

Qazaxıstandakı iğtişaşların təşkilatçıları çalışırdılar ki, Rusiya... - Lukaşenko

Belarus Prezidenti Aleksandr Lukaşeno bildirib ki, Qazaxıstandakı iğtişaşların təşkilatçıları Rusiya perimetri ətrafında mövcud vəziyyəti zəiflətmək üçün sabitliyi pozmaq niyyətində idilər. 

Publika.azxəbər verir ki, bu barədə A.Lukaşenko Qazaxıstandakı missiyasını başa vurmuş Belarus sülhməramlı kontingenti ilə görüşü zamanı deyib.

Onun sözlərinə görə, Qazaxıstanda baş verənlər müstəqil dövlətlərin daxili işlərinə kənardan müdaxilə cəhdidir: “Onların niyyəti əsas müttəfiqimiz olan Mərkəzi Asiya ölkəsini zəiflətmək idi. Qazaxıstanın üzləşdiyi təhlükələr postsovet məkanının əksər ölkələri üçün ümumidir”.

Belarus Prezidenti bildirib ki, KTMT ölkələrinin sülhməramlı missiyasının Qazaxıstana göndərilməsi orada rəngli inqilabın alovlanmasının qarşısını alıb: “Sizin missiyanızın uğuru qondarma rəngli inqilablarla mübarizə üçün effektiv mexanizmin yaranması kimi qiymətləndirilə bilər” - deyə Lukaşenko sülhməramlılarla görüşdə qeyd edib.

Rəylər
Oxumağa davam et
Reklam

Dünya

Paşinyan yenidən koronavirusa yoluxdu

Ermənistanın Baş naziri Nikol Paşinyan koronavirusa yoluxub.

Publika.az xəbər verir ki, bu barədə Ermənistan Nazirlər Kabinetinin mətbuat xidməti məlumat yayıb.

Bildirilib ki, Baş nazir xəstəliyi simptomsuz keçirir. O, özünü təcrid edib və fəaliyyətini distant formada davam etdirəcək.

Qeyd edək ki, Ermənistanın Baş naziri Nikol Paşinyan artıq ikinci dəfədir koronavirusa yoluxub. Onda birinci yoluxma halı 2020-ci ilin iyun ayında qeydə alınıb.

Oxumağa davam et

Dünya

Ermənistan-Rusiya yolu bağlandı

Ermənistanı Rusiyaya birləşdirən yeganə magistral - Yuxarı Lars yolu güclü qar və yolların buz bağlaması səbəbindən bağlanıb.

Publika.az xəbər verir ki, bu barədə Gürcüstanın Fövqəladə Hallar Nazirliyi məlumat yayıb. 

Bildirilir ki, yolların bağlanmasına görə, Ermənistandan yola çıxan iri tonnajlı 50 yük maşını Rusiya sərhədində qalıb. 

Lars yolunun  nə zaman açılacağı məlum deyil. 

Tural Turan

Oxumağa davam et

Dünya

Rusiya Ukraynanı işğal edərsə... - Conson

Böyük Britaniyanın Baş naziri Boris Conson Rusiya Ukraynanı işğal edərsə, Britaniya ordusunun yeni NATO qoşunlarının yerləşdirilməsinə töhfə vermək istəyəcəyini deyib. 

Publika.az xəbər verir ki, bu barədə Böyük Britaniya KİV-ləri məlumat yayıb.

Conson Rusiya Prezidenti Vladimir Putinə xəbərdarlıq edib ki, Ukraynada güclü müqavimət olacaq və bir çox “rus analarının oğulları” evlərinə qayıtmayacaq.

Boris Conson Rusiyanı mümkün sanksiyalarla hədələyib.

Qeyd edək ki, rəsmi Moskva Krım və Ukrayna sərhədində yeni hərbi təlimlərə başladığını açıqlayıb.

Rusiya ölkənin cənubunda yanvarın 29-na qədər davam edəcək hərbi təlimə 6 minə yaxın əsgərin qatıldığını bildirib. Təlimdə quru qoşunları ilə yanaşı, dəniz və hava qüvvələri də iştirak edir. 

Oxumağa davam et
Reklam

Gündəm