İrəvan dəmir yolu qərarı verdi: 226 milyonu axtarır - Publika.az
Bizi izləyin

Dünya

İrəvan dəmir yolu qərarı verdi: 226 milyonu axtarır

İrəvan hökuməti Arazdəyən-Horadiz dəmir yolunun Ermənistan ərazisində tikintisi üçün hansı vəsaitdən istifadə olunacağı ilə bağlı hələ qərar verməyib.

Publika.azAxar.az-a istinadla xəbər verir ki, bu barədə erməni mediası məlumat yayıb.

Qeyd olunub ki, layihənin həyata keçirilməsi ilə bağlı qərar verilib, lakin dəmir yolunun tikintisi üçün nəzərdə tutulan 226 milyon dollara yaxın vəsaitin haradan əldə olunacağı bəlli deyil.

Ermənistanın İqtisadiyyat Nazirliyi məsələnin onların səlahiyyətlərindən kənarda olduğunu, Ərazi İdarəetmə və İnfrastruktur Nazirliyi isə maliyyə mənbəyinin seçilməsi məsələsinin bəlli olmadığını bildirib.

Ölkənin Maliyyə Nazirliyi bütün məsələlərin müzakirə mərhələsində olduğunu bəyan edib:

"Bütün mümkün variantlar təhlil edilir. Hazırda əmlakın mülkiyyətçiliyi, vəziyyəti və digər məsələlərin müəyyən edilməsi üçün Mehri və Arazdəyən hissələrinin inventarlaşdırılması işləri aparılır. Layihənin həyata keçirilməsi üçün bütün maliyyə xərclərinin ifadə olunduğu texniki-iqtisadi əsaslandırmadan sonra məsələyə baxmaq olar".

Qeyd edək ki, Ermənistan baş naziri Nikol Paşinyan Naxçıvan ərazisindən keçən Arazdəyən-Mehri dəmir yolunun bərpası ilə məşğul olacaq işçi qrupunun yaradılması barədə qərar imzalayıb.

Rəylər
Oxumağa davam et
Reklam

Dünya

“Azovstal” zavodundan DƏHŞƏTLİ GÖRÜNTÜLƏR - VİDEO

“RİA Novosti” dinc ukraynalıların, hərbçilərin və “Azov” batalyonunun üzvlərinin sığındığı Mariupol “Azovstal” zavodunun tunelini lentə alıb.

Publika.azxəbər verir ki, müxbir “Vostok” batalyonunun döyüşçüləri ilə birlikdə zavodun ərazisinə daxil olub.

Kadrlarda zavodun dağıdılmış sexlərindən birinin pəncərələrində qumbaraların olduğu görünür. Görüntülərdə Ukrayna hərbçilərinin və “Azov” döyüşçülərinin saxlandığı tunelin çıxışı da göstərilir. 

“Hələlik içəri keçmək mümkün deyil, hazırda orada minaların olub-olmadığını yoxlamaq və minalardan təmizləmə işləri aparılır”, - deyə qeyd olunub.

Xatırladaq ki, mayın 20- də Rusiya Müdafiə Nazirliyi Mariupol “Azovstal” zavodunun ərazisini nəzarətə götürdüyünü açıqlayıb. “Azov” batalyonunun 2439 üzvü təslim olub.

Oxumağa davam et

Dünya

Zelenski Polşa vətəndaşlarına Ukraynada xüsusi status verəcək

Ukrayna Prezidenti Vladimir Zelenski Polşa vətəndaşlarının xüsusi statusu haqqında qanun layihəsini parlamentə təqdim edəcək. 

Publika.az xəbər verir ki, bu barədə ukraynalı deputat Olqa Sovgirya Teleqram kanalında yazıb.

“Ukrayna Prezidenti yaxın vaxtlarda parlamentə Ukraynada Polşa vətəndaşlarının xüsusi hüquqi statusu haqqında qanun layihəsini təqdim edəcək” - məlumatda deyilir. 

Yeni qanun layihəsi və polyakların imtiyazları ilə bağlı digər təfərrüatlar hələlik açıqlanmayıb.

Mayın 6-da Polşa Prezidenti Anjey Duda Polşa ilə Ukrayna arasında artıq sərhədlərin olmayacağına, iki ölkə xalqlarının “bu torpaqda birgə yaşaya biləcəklərinə” ümid etdiyini bildirib.

Bundan əvvəl Zelenski və Ali Radanın deputatları parlamentdə çıxış etməyə gələn Dudanı gurultulu alqışlarla qarşılayıblar. O, Rusiyanın Ukraynaya hücuma başlamasından sonra Ali Radada çıxış edən ilk xarici dövlət başçısıdır.

Oxumağa davam et

Dünya

Zelenskidən yalnız bu kəlməni eşitməyi xəyal edirəm - Ukraynanın birinci xanımı

Ukraynanın birinci xanımı Yelena Zelenskaya həyat yoldaşı, Prezident Vladimir Zelenski ilə birlikdə müsahibə verərək Ukraynada müharibə başlayandan bəri həyat yoldaşını demək olar ki, görmədiyini söyləyib.

Publika.az xəbər verir ki, Zelenskayanın sözlərinə görə, fevralın 24-də o, pəncərədən kənarda gələn qəribə səslərdən oyanıb. 

“Gözlərini açanda Zelenskini yaxınlıqda görmədim. Onu qonşu otaqda tapdım və orada ondan dəhşətli sözlər eşitdim. Dedi ki, “Başladı”. Həmin andan bəri ondan hər bir ukraynalı üçün çox vacib olan yalnız bu kəlməni - “Hər şey bitdi” deməsini eşitməyi xəyal edirəm” - Ukraynanın birinci xanımı qeyd edib.

“Mən onun bunu mənə deyəcəyini gözləməklə yaşayıram. Başa düşürəm ki, o, bunu deyəcək ilk şəxs olmayacaq, amma ən azı televiziyada eşitmək istəyirəm”, - Yelena Zelenskaya qeyd edib.

Oxumağa davam et
Reklam

Gündəm