Dünya

Pandemiyadan endemiyaya keçidin nə vaxt baş verəcəyi məlum deyil - ÜST

17 Yanvar 2022 23:31

Ümumdünya Səhiyyə Təşkilatının (ÜST) baş elmi işçisi Sumya Svaminatan dünyanın bir sıra ölkəsində hökumətlərin koronavirus pandemiyasının endemiya fazasına keçid prosesinə hazırlaşmalarını alqışlayıb.

Publika.az xəbər verir ki, ekspert yaxın müddətdə dünyada olduqca çox sayda insanın “omikron” ştamına yoluxacağının gözlənildiyini və digər variantlarla çarpaz immunlaşmanın baş verəcəyini bildirib. Onun sözlərinə görə, prosesin bu məcrada inkişafı ümidvericidir, çünki 2022-ci ildə milyonlarla insan daha yaxşı immun müdafiəsinə malik olacaqlar: “Bu immunlaşma həm peyvəndlər sayəsində, həm də, təəssüf ki, infeksiyaya yoluxma nəticəsində baş verəcək”.

Aparıcı ekspert “omikron“ dalğasının pandemiyanın endemiya fazasına keçid olmasına səbəb olacağının hələ bəlli olduğunu bildirib: “Biz növbəti variantın nə zaman və harada meydana çıxacağını və onun “omikron” və “delta” ştamları ilə interaksiyasının necə olacağını bilmirik”.

Digər tərəfdən isə pandemiya dünyanın əksər hissəsini ağuşuna aldığı bir dövrdə heç bir ölkə koronavirusun endemiya mərhələsinə keçə bilməyəcək. Bunun üçün əsas hədəf bütün dünyada peyvəndləmə səviyyəsinin bu ilin ortalarına qədər əhalinin 70 faizinə çatdırmaq olmalıdır.

Baxış sayı:4912

Əvvəlki xəbər

2021-ci ilin ən yaxşı qapıçısı seçildi

Sonrakı xəbər

Qubada güclü qar kəndləri işıqsız qoydu - VİDEO

Publika.az

Rəylər

Oxumağa davam et

Reklam

Dünya

Filippində güclü zəlzələ

Mayın 22-də Filippində 5,8 bal gücündə zəlzələ baş verib.

Publika.az xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb. Yeraltı təkanların episentrinin paytaxt Maniladan cənubda yerləşən Nasuqbu yaşayış məntəqəsindən 7 kilometr cənub-şərqdə, ocağının isə 168 kilometr dərinlikdə yerləşdiyi bildirilir.

Zəlzələ nəticəsində dağıntılar və xəsarət alanlar barədə məlumat verilmir.

Oxumağa davam et

Dünya

Hindistanda daşqınlar nəticəsində 14 nəfər öldü

Hindistanın şimal-şərqindəki Assam əyalətində bir həftəyə yaxındır yağan daşqınlarda ölənlərin sayı 14-ə çatıb

Publika.az bu barədə NDTV kanalı məlumat yayıb.

Daha 7 nəfərin itkin düşdüyü bildirilir.

Ümumilikdə əyalətin 700 min sakini təbii fəlakətdən zərər çəkib, 2,2 mindən çox kənd su altında qalıb.

Hindistan Hərbi Hava Qüvvələrinin helikopterləri xilasetmə əməliyyatlarında iştirak edir. Bir çox yaşayış məntəqələrinə torpaq yolu ilə daxil olmaq mümkün deyil. İnsanlar müvəqqəti düşərgələrə köçürülür.

Oxumağa davam et

Dünya

Ermənistanda 40 min nəfərlik etiraz aksiyası keçirildi

Ermənistan müxalifəti şənbə günü axşam İrəvanda 40 min nəfərin iştirakı ilə etiraz aksiyası keçirir.

Publika.az erməni mediasına istinadla xəbər verir ki, bunu Ermənistanın sabiq prezidenti Serj Sarkisyanın rəhbərlik etdiyi Respublika Partiyasının sədr müavini Armen Aşotyan bildirib.

"Ən təvazökar hesablamalara görə, hazırda İrəvanda Milli Müqavimət Hərəkatının mitinqində 40 mindən çox insan iştirak edir. Etirazçıların sayı yeni iştirakçılarla artır", - deyə A.Aşotyan bildirib.

O qeyd edib ki, aksiyanın iştirakçıları Ermənistanın baş naziri Nikol Paşinyanın dərhal istefasını tələb edirlər.

Oxumağa davam et