Amerikalı komediya ustası vəfat etdi - Publika.az
Bizi izləyin

Dünya

Amerikalı komediya ustası vəfat etdi

Amerikalı komediya ustası və aktyoru Lui Anderson Las-Veqasda (Nevada, ABŞ) 69 yaşında vəfat edib.

Publika.az  xəbər verir ki, bu barədə TMZ portalı aktyorun publisistinə istinadla məlumat yayıb.

Bildirilib ki, Anderson səhər xəstəxanada qan xərçəngindən dünyasını dəyişib.

"Variety" jurnalının məlumatına görə, Anderson Conni Karsonun baş rolda olduğu "The Tonight Show" (1984) filmindəki çıxışından sonra məşhurlaşıb. Bundan sonra o, "Ferris Bueller's Day Off "(1986) və "Coming to America" (1988) kimi filmlərdə rol alıb.

Anderson 1995-ci ildə əsasən öz uşaqlığından ilhamlanan "Life With Louie" (1995) cizgi serialının prodüserliyini edib.

Hüseyn

Rəylər
Oxumağa davam et
Reklam

Dünya

Filippində güclü zəlzələ

Mayın 22-də Filippində 5,8 bal gücündə zəlzələ baş verib.

Publika.az xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb. Yeraltı təkanların episentrinin paytaxt Maniladan cənubda yerləşən Nasuqbu yaşayış məntəqəsindən 7 kilometr cənub-şərqdə, ocağının isə 168 kilometr dərinlikdə yerləşdiyi bildirilir.

Zəlzələ nəticəsində dağıntılar və xəsarət alanlar barədə məlumat verilmir.

Oxumağa davam et

Dünya

Hindistanda daşqınlar nəticəsində 14 nəfər öldü

Hindistanın şimal-şərqindəki Assam əyalətində bir həftəyə yaxındır yağan daşqınlarda ölənlərin sayı 14-ə çatıb

Publika.az bu barədə NDTV kanalı məlumat yayıb.

Daha 7 nəfərin itkin düşdüyü bildirilir.

Ümumilikdə əyalətin 700 min sakini təbii fəlakətdən zərər çəkib, 2,2 mindən çox kənd su altında qalıb.

Hindistan Hərbi Hava Qüvvələrinin helikopterləri xilasetmə əməliyyatlarında iştirak edir. Bir çox yaşayış məntəqələrinə torpaq yolu ilə daxil olmaq mümkün deyil. İnsanlar müvəqqəti düşərgələrə köçürülür.

Oxumağa davam et

Dünya

Ermənistanda 40 min nəfərlik etiraz aksiyası keçirildi

Ermənistan müxalifəti şənbə günü axşam İrəvanda 40 min nəfərin iştirakı ilə etiraz aksiyası keçirir.

Publika.az erməni mediasına istinadla xəbər verir ki, bunu Ermənistanın sabiq prezidenti Serj Sarkisyanın rəhbərlik etdiyi Respublika Partiyasının sədr müavini Armen Aşotyan bildirib.

"Ən təvazökar hesablamalara görə, hazırda İrəvanda Milli Müqavimət Hərəkatının mitinqində 40 mindən çox insan iştirak edir. Etirazçıların sayı yeni iştirakçılarla artır", - deyə A.Aşotyan bildirib.

O qeyd edib ki, aksiyanın iştirakçıları Ermənistanın baş naziri Nikol Paşinyanın dərhal istefasını tələb edirlər.

Oxumağa davam et
Reklam

Gündəm