Dünya

Beynəlxalq Qırmızı Xaç Komitəsinin saytına hücum edildi

22 Yanvar 2022 02:12

Beynəlxalq Qırmızı Xaç Komitəsinin (BQXK) saytı haker hücumuna məruz qalıb.

Publika.az xəbər verir ki, hakerlər xüsusi müdafiəyə ehtiyacı olan 515 min insanın şəxsi məlumatlarını oğurlayıblar.

Bu barədə məlumatı BQXK-nin Cenevrədəki mənzil-qərargahından təsdiqləyiblər.

Bildirilib ki, oğurlanmış şəxsi məlumatlar münaqişələr, miqrasiya və təbii fəlakətlər nəticəsində ailələrindən ayrı düşən insanlar, itkin düşən şəxslər və onların ailələri, eləcə də həbsdə olan şəxslərə aiddir.

Haker hücumu bu həftə aşkarlanıb. Bu hücumun arxasında kimlərin dayandığı məlum deyil. Hakerlər BQXK-nin sifarişi ilə şəxsi məlumatların bazasını yaradan və idarə edən şirkətin serverlərinə hücum ediblər. Oğurlanmış məlumatların indiyədək ictimailəşdirilməsinə dair hələlik məlumat verilməyib.

BQXK-dən bildirilib ki, Qırmızı Xaç və Qızıl Aypara şəbəkəsinin müdafiə etdiyi və dəstək göstərdiyi insanların həssas və məxfi məlumatlarının yayılması nəticəsində həmin insanlara qarşı yarana biləcək potensial risklər ciddi narahatlıq doğurur. Oğurlanmış məlumatlar beynəlxalq qurumların 60-dan artıq ölkədəki milli komitələri tərəfindən toplanıb.

Baxış sayı:195

Əvvəlki xəbər

Reza Deqatidən Qanlı Yanvar xatirələri: “Bakıya gizli yolla gəldim” - FOTO

Sonrakı xəbər

Koronavirusa yoluxanların sayı 340 milyonu ötdü

Publika.az

Rəylər

Oxumağa davam et

Reklam

Dünya

Hindistanda daşqınlar nəticəsində 14 nəfər öldü

Hindistanın şimal-şərqindəki Assam əyalətində bir həftəyə yaxındır yağan daşqınlarda ölənlərin sayı 14-ə çatıb

Publika.az bu barədə NDTV kanalı məlumat yayıb.

Daha 7 nəfərin itkin düşdüyü bildirilir.

Ümumilikdə əyalətin 700 min sakini təbii fəlakətdən zərər çəkib, 2,2 mindən çox kənd su altında qalıb.

Hindistan Hərbi Hava Qüvvələrinin helikopterləri xilasetmə əməliyyatlarında iştirak edir. Bir çox yaşayış məntəqələrinə torpaq yolu ilə daxil olmaq mümkün deyil. İnsanlar müvəqqəti düşərgələrə köçürülür.

Oxumağa davam et

Dünya

Ermənistanda 40 min nəfərlik etiraz aksiyası keçirildi

Ermənistan müxalifəti şənbə günü axşam İrəvanda 40 min nəfərin iştirakı ilə etiraz aksiyası keçirir.

Publika.az erməni mediasına istinadla xəbər verir ki, bunu Ermənistanın sabiq prezidenti Serj Sarkisyanın rəhbərlik etdiyi Respublika Partiyasının sədr müavini Armen Aşotyan bildirib.

"Ən təvazökar hesablamalara görə, hazırda İrəvanda Milli Müqavimət Hərəkatının mitinqində 40 mindən çox insan iştirak edir. Etirazçıların sayı yeni iştirakçılarla artır", - deyə A.Aşotyan bildirib.

O qeyd edib ki, aksiyanın iştirakçıları Ermənistanın baş naziri Nikol Paşinyanın dərhal istefasını tələb edirlər.

Oxumağa davam et