Rusiyanın Ukrayna üçün ŞOK PLANI: Hökumətin başına bu şəxsi gətirmək istəyir - Publika.az
Bizi izləyin

Dünya

Rusiyanın Ukrayna üçün ŞOK PLANI: Hökumətin başına bu şəxsi gətirmək istəyir

Ukrayna-Rusiya gərginliyində yeni pərdə açılıb. Mövzu ilə bağlı yeni bir iddia İngiltərə Xarici İşlər Nazirliyindən gəlib.

Publika.azTeleqraf.com-a istinadla xəbər verir ki, İngiltərənin açıqlamasında Rusiyanın Ukraynada rusiyayönlü hakimiyyət qurmağı planlaşdırdığı iddia edilib.

“Əlimizdə Rusiyanın Kiyevdəki hökumətin başına rusiyayönlü lider gətirmək istədiyini göstərən məlumatlar var. Ukraynanın keçmiş deputatı Yevxen Murayev potensial namizəd kimi görünür”, - açıqlamada qeyd edilib.

Eyni zamanda, potensial namizədlərin arasında 2012-2014-cü illərdə baş nazirin müavini olmuş Sergey Arbuzov, 2010-2012-ci illərdə baş qərargah rəisi postunu tutmuş Andrey Kluyev, Təhlükəsizlik və Müdafiə Şurası rəisinin keçmiş müavini Vladimir Sivkoviç və 2010-2014-cü illərdə baş nazir vəzifəsində çalışmış Nikolay Azarovun da adı çəkilib. Bu şəxslərdən bəzilərinin hazırda Ukraynaya hücum planından məsuliyyət daşıyan Rusiya kəşfiyyatçıları ilə əlaqəli olduğu iddia edilib.

Açıqlamada fikirləri yer alan İngiltərə Xarici İşlər naziri Liz Trass bildirib ki, bu məlumat Ukraynada nizamı pozmağa çalışan Rusiyanın fəaliyyətinin miqyasına işıq salır və Kremlin düşüncəsi haqda təsəvvür yaradır. Rusiyanın gərginliyi azaltmalı, təcavüzkarlıq və dezinformasiya kampaniyalarına son qoymalı və diplomatiya yolu ilə getməli olduğunu qeyd edən Trass Rusiyanın Ukraynaya hansısa formada hərbi hücumunun ciddi nəticələr doğuracağını və bunun böyük strateji səhv olacağını deyib.

“İngiltərənin Ukrayna ilə bağlı mövqeyi aydındır. Biz Krım da daxil olmaqla beynəlxalq səviyyədə tanınmış sərhədləri daxilində onun suverenliyini və ərazi bütövlüyünü açıq şəkildə dəstəkləyirik. Ukrayna müstəqil, suveren ölkədir”, - XİN-in açıqlamasında qeyd edilib.

Rusiya Xarici İşlər Nazirliyi isə İngiltərə XİN-in iddiasını dezinformasiya adlandırıb.

Rəylər
Oxumağa davam et
Reklam

Dünya

Zelenski Polşa vətəndaşlarına Ukraynada xüsusi status verəcək

Ukrayna Prezidenti Vladimir Zelenski Polşa vətəndaşlarının xüsusi statusu haqqında qanun layihəsini parlamentə təqdim edəcək. 

Publika.az xəbər verir ki, bu barədə ukraynalı deputat Olqa Sovgirya Teleqram kanalında yazıb.

“Ukrayna Prezidenti yaxın vaxtlarda parlamentə Ukraynada Polşa vətəndaşlarının xüsusi hüquqi statusu haqqında qanun layihəsini təqdim edəcək” - məlumatda deyilir. 

Yeni qanun layihəsi və polyakların imtiyazları ilə bağlı digər təfərrüatlar hələlik açıqlanmayıb.

Mayın 6-da Polşa Prezidenti Anjey Duda Polşa ilə Ukrayna arasında artıq sərhədlərin olmayacağına, iki ölkə xalqlarının “bu torpaqda birgə yaşaya biləcəklərinə” ümid etdiyini bildirib.

Bundan əvvəl Zelenski və Ali Radanın deputatları parlamentdə çıxış etməyə gələn Dudanı gurultulu alqışlarla qarşılayıblar. O, Rusiyanın Ukraynaya hücuma başlamasından sonra Ali Radada çıxış edən ilk xarici dövlət başçısıdır.

Oxumağa davam et

Dünya

Zelenskidən yalnız bu kəlməni eşitməyi xəyal edirəm - Ukraynanın birinci xanımı

Ukraynanın birinci xanımı Yelena Zelenskaya həyat yoldaşı, Prezident Vladimir Zelenski ilə birlikdə müsahibə verərək Ukraynada müharibə başlayandan bəri həyat yoldaşını demək olar ki, görmədiyini söyləyib.

Publika.az xəbər verir ki, Zelenskayanın sözlərinə görə, fevralın 24-də o, pəncərədən kənarda gələn qəribə səslərdən oyanıb. 

“Gözlərini açanda Zelenskini yaxınlıqda görmədim. Onu qonşu otaqda tapdım və orada ondan dəhşətli sözlər eşitdim. Dedi ki, “Başladı”. Həmin andan bəri ondan hər bir ukraynalı üçün çox vacib olan yalnız bu kəlməni - “Hər şey bitdi” deməsini eşitməyi xəyal edirəm” - Ukraynanın birinci xanımı qeyd edib.

“Mən onun bunu mənə deyəcəyini gözləməklə yaşayıram. Başa düşürəm ki, o, bunu deyəcək ilk şəxs olmayacaq, amma ən azı televiziyada eşitmək istəyirəm”, - Yelena Zelenskaya qeyd edib.

Oxumağa davam et

Dünya

Estoniyada sovet əsgərlərinin abidəsi təhqir olundu - FOTO

Estoniyada sovet əsgərlərinin abidəsi təhqir olunub. 

Publika.az-ın məlumatına görə, qeyd olunur ki, Vizuda yerləşən memorialın üzərinə qara və qırmızı boya çəkiblər. 

Bildirilib ki, bu rənglər “Ukrayna Üsyan Ordusu”nun bayrağının rənginə uyğun gəlir. Hadisənin digər təfərrüatları hələlik məlum deyil.

Rusiyanın Ukraynaya hücumu başladıqdan sonra son aylar Baltikyanı ölkələrdə mütəmadi olaraq sovet əsgərlərinin abidələrinin təhqir edilməsi halları baş verir. Üstəlik, mayın 17-də Estoniyada yerli qəbiristanlıqların birində memorial yoxa çıxıb.

Bundan əvvəl Federasiya Şurasının sədri Valentina Matvienko Rusiyanın bu dövlətlərlə sərhədində Baltikyanı ölkələrdən sovet abidələrinin qoyulmasını təklif edib.

Oxumağa davam et
Reklam

Gündəm