ABŞ Hərbi Dəniz Qüvvələri İran gəmisini ələ keçirdi - Publika.az
Bizi izləyin

Dünya

ABŞ Hərbi Dəniz Qüvvələri İran gəmisini ələ keçirdi

ABŞ Hərbi Dəniz Qüvvələri İrandan husilərə yük daşıdığı iddia edilən gəmini ələ keçirib.

Publika.az xəbər verir ki, ABŞ Hərbi Dəniz Qüvvələri Mərkəzi Komandanlığının Beşinci Donanmasının məlumatına görə, İrandan Yəmənin şimalında "Ənsar Allah" (Husi) üsyançılarına partlayıcı maddələrin istehsalında istifadə oluna bilən maddə (gübrə) daşıdığı iddia edilən gəmini Oman körfəzində ələ keçirib.

Qeyd olunur ki, İrandan yola düşən gəmi “ənənəvi olaraq Yəmən husilərini silahla təmin etmək üçün istifadə edilən” marşrutla hərəkət edib.

"ABŞ qüvvələri gəminin yoxlanılması, təftişin aparılması nəticəsində kənd təsərrüfatı gübrələri üçün istifadə edilən və partlayıcı maddələrin istehsalında da istifadə olunan kimyəvi birləşmə olan 40 ton karbamid aşkar edib", - ABŞ Beşinci Donanması Tvitter hesabında yazıb .

Daha əvvəl ABŞ Hərbi Dəniz Qüvvələri Mərkəzi Komandanlığı ABŞ Hərbi Dəniz Qüvvələrinin Beşinci Donanmasının koalisiya qüvvələri (CMF) ilə birlikdə 2021-ci ildə Körfəz bölgəsində dəniz patrulları nəticəsində rekord sayda qeyri-qanuni yük ələ keçirdiyini bildirib.

Rəylər
Oxumağa davam et
Reklam

Dünya

Jirinovskinin yerini bu siyasətçi tutdu - RƏSMİ

Qalmaqallı açıqlamalara ilə tanınan Vladimir Jirinovskinin ölümündə sonra qurucusu olduğu Rusiya Liberal Demokratik Partiyasına (RLDP) yeni sədr seçilib.

Publika.az Rusiya mediasına istinadən xəbər verir ki, RLDP-nin yeni sədri Leonid Slutski olub.

Səsvermə zamanı 86 nəfər Slutskinin lehinə səs verib. Onun alternativi olmayıb.

Oxumağa davam et

Dünya

Avropanı bölən yeni ittifaq planı: Ukrayna və Türkiyə...

Böyük Britaniya Rusiyanı milli təhlükə olaraq görən ölkələrdən yeni ittifaq yaratmağı planlaşdırır.

Publika.az xəbər verir ki, bu barədə İtaliyanın “Corriere della sera” nəşri məlumat yayıb.

Nəşr yeni ittifaqın Avropa İttifaqına qarşı olacağını iddia edir.

“Conson Avropa İttifaqına alternativ olan siyasi, iqtisadi və hərbi ittifaq sistemini təklif edir. Bura Brüsselə etibar etməyən və Rusiya təhlükəsi ilə üzləşən ölkələr daxil olacaq. Britaniyanın baş naziri bu ideyanı aprelin 9-da Kiyevdə Zelenskiyə təqdim edib. İngiltərə bu ittifaqa Ukrayna, Polşa, Estoniya, Latviya və Litvanı, sonrakı mərhələ isə bəlkə Türkiyəni də daxil etmək istəyir”, - məqalədə deyilir.

Nəşr bildirir ki, Ukrayna hakimiyyəti Londonun təşəbbüsünə konkret cavab verməyib, lakin bundan imtina da etməyib: “Zelenski iyunun 23-də Ukraynanın Aİ-yə namizədliyinin həll olunacağı sammiti gözləyir. Cavab mənfi olarsa, Ukrayna prezidenti Consonun alternativini ciddi qəbul edə bilər. Lakin o da istisna deyil ki, Britaniyanın yeni ittifaq ideyası Qərb siyasətçilərinə təzyiq göstərmək məqsədi də daşıya bilər. Çünki Britaniyanın özü Ukraynanı maliyyə cəhətdən dəstəkləmək imkanına malik deyil”.

Oxumağa davam et

Dünya

ABŞ-dan Ukraynaya qadağa: Rusiyanı vurmayın

ABŞ Ukraynaya verdiyi silahlardan Rusiyanın atəşə tutulmasından narahatdır.

Publika.az xəbər verir ki, bu barədə “Röyters” Vaşinqtondakı mənbələrinə istinadən məlumat yayıb.

Mənbənin sözlərinə görə, Ağ Ev Kiyevə bununla bağlı xəbərdarlıq edib.

“Bizim eskalasiyanın böyüyəcəyi ilə bağlı narahatlığımız var. Məhdudiyyətlər qoymaq arzusunda deyilik, lakin Ukraynaya onlara verilən Amerika silahlarından Rusiyanın sərhəd bölgələrini hədəfə almamaq barədə xəbərdarlıq edilib”, - mənbə bildirib.

Oxumağa davam et
Reklam

Gündəm