Bakıda pula görə oğurlanmış biznesmen məhkəmədə HAMINI ŞOKA SALDI - Publika.az
Bizi izləyin

Hadisə

Bakıda pula görə oğurlanmış biznesmen məhkəmədə HAMINI ŞOKA SALDI

2019-cu ilin sentyabr ayında Bakı şəhərində bir qrup şəxs tərəfindən oğurlanaraq Pirşağı qəsəbəsindəki bağ evinə aparılan və orada girov saxlanılan iş adamı Hüseyn Əsgərovun məhkəməyə verdiyi ifadə məlum olub.

Publika.az xəbər verir ki, Bakı Ağır Cinayətlər Məhkəməsində adam oğurluğunda və hədə-qorxu ilə tələb etmədə təqsirləndirilən dəstə üzvlərinin cinayət işi üzrə məhkəmə prosesində ifadə vermiş H.Əsgərov əslində oğurlanmadığını, ona qarşı hər hansı təzyiq və fiziki zorakılığın edilmədiyini bildirib:

“İbtidai istintaq zamanı həyəcanlı olduğumdan verdiyim ifadəni təsdiq etmirəm. Aygün Abbasovaya borclu olduğum 25 000 manatı qaytarmağımı tələb etdiklərindən buna görə Vasif, Niyaməddin və Elçinlə oturaraq söhbətləşmişik. Həmin vaxt telefon əlaqəsi saxladığım övladımməni səhv başa düşüb 102 xidmətinə zəng vurmaqla yanlış məlumat verib. Bir saat içərisində yenidən zəng edərək anlaşılmazlıq baş verdiyini, şikayətinin və tələblərinin olmadığını bildirib. Mənə təqsirləndirilən şəxslər tərəfindən heç bir zor və ya təzyiq tətbiq olunmayıb. Onların hamısı ilə barışmışam”.

Məhkəmədə iş adamının ilkin ifadəsi də elan edilib. Orada H.Əsgərov hadisənin necə baş verdiyini, ona qarşı hansı fiziki təzyiqlərin edildiyini və sair məqamları detalları ilə danışıb.

Bir neçə gün əvvəl, hakim İradə Həsənzadənin sədrliyi ilə keçirilən prosesdə hökm oxunub. Hökmə əsasən, təqsirləndirilən Elçin Quliyev 11 il, Vasif Allahverdiyev 10 il, Niyaməddin Kazımlı, Şaiq Hüseynov və Fəqan Eminoğlunun hər biri 8 il 6 ay müddətinə azadlıqdan məhrum edilib. Fərəh Rəsulovaya isə sınaq müddəti təyin edilərək ona şərti cəza verilib.

Adam oğurluğunda sifarişçi olan Aygün Abbasovaya isə 5 il azadlıqdan məhrum edilib. Onun övladının 14 yaşı tamam olduqda hökmün icrasına yenidən baxılacaq.

Qeyd edək ki, təqsirləndirilən şəxslər polis əməkdaşları tərəfindən keçirilən əməliyyat zamanı saxlanılıblar. İttihama görə, Xətai rayon sakini Hüseyn Əsgərov A.Abbasovaya 25 min manat borclu olub. Borcunu qaytara bilmədiyi üçün o, A.Abbasovanın sifarişi ilə kafelərin birinə dəvət edilib. Daha sonra H.Əsgərov əvvəllər məhkum olunmuş V.Allahverdiyev, Sumqayıt şəhər sakinləri - əvvəllər məhkum olunmuş Ş.Hüseynov və F.Eminoğlu tərəfindən məcburi qaydada, iradəsindən kənar avtomobilə əyləşdirilərək A.Abbasovanın Pirşağı qəsəbəsində yerləşən bağ evinə aparılıb.

Həmin ünvana daha sonra gələn Bakı şəhər sakini, əvvəllər məhkum olunmuş N.Kazımlının iştirakı ilə H.Əsgərova müxtəlif dərəcəli bədən xəsarəti yetirərək 25 min manatın əvəzinə 30 min manat ödəməsini bildirərək işgəncə veriblər.

Alınan pulun müqabilində A.Abbasova həmin şəxslərə 10 min manat verəcəyini vəd edib. Keçirilən kompleks əməliyyat-axtarış tədbirləri nəticəsində həmin şəxslər müəyyən olunaraq saxlanılıb, zərərçəkmiş H.Əsgərov girov saxlanıldığı yerdən azad edilib.

Təqsirləndirilən şəxslərə qarşı Cinayət Məcəlləsinin 144.2.3-cü (bir qrup şəxs, qabaqcadan əlbir olan bir qrup şəxs və ya mütəşəkkil dəstə və ya cinayətkar birlik (cinayətkar təşkilat) tərəfindən adam oğurluğu törətmək), 144.2.4-cü (zərərçəkmiş şəxsin həyatı və ya sağlamlığı üçün təhlükəli olan zor tətbiq etməklə adam oğurluğu törətmək), 144.2.5 (silahdan yaxud silah qismində istifadə edilən əşyalardan istifadə etməklə törədildikdə), 144.2.6-cı (tamah məqsədi ilə və ya sifarişlə adam oğurluğu törətmək), 182.2.1 (hədə-qorxu ilə tələb etmə - qabaqcadan əlbir olan bir qrup şəxs tərəfindən törədildikdə), 182.2.3 (zor tətbiq etmə ilə törədildikdə) və 182.2.4-cü (xeyli miqdarda əmlak əldə etmək məqsədi ilə törədildikdə) maddləri ilə ittiham elan edilib.

Xatırladaq ki, F.Rəsulova universal döyüş üzrə dünya və Avropa çempionudur. Zərərçəkmiş H.Əsgərov da idmançı olub.

V.Allahverdiyevin adı cinayət işində dəstə rəhbəri kimi göstərilir. N.Kazımlı da peşəkar idmançıdır. O, yunan-Roma güləşi üzrə dəfələrlə Azərbaycan çempionatının və beynəlxalq yarışların mükafatçısı olub.


Rəylər
Oxumağa davam et
Reklam

Hadisə

Naxçıvana gedən təyyarə tufana görə GERİ QAYITDI

“Azərbaycan Hava Yolları” aviaşirkətinin J2 257 nömrəli Bakı-Naxçıvan reysini yerinə yetirən hava gəmisinin kapitanı Naxçıvan hava limanı ətrafındakı tufanla əlaqədar hava limanına geri qayıtmaq qərarına gəlib.

Bu barədə Publika.az-a "Azərbaycan Hava Yolları" QSC-nin Mətbuat xidmətindən bildirilib.

Təyyarə saat 21:00-da Heydər Əliyev Beynəlxalq Aeroportuna eniş edib.

Reysin sərnişinləri hava şəraiti yaxşılaşdıqdan sonra Naxçıvana yola düşəcəklər.

Oxumağa davam et

Hadisə

Öldürülən İran zabiti ilə Orxan Əsədovu nə birləşdirib? - İsrail kəşfiyyatından ŞOK

Mayın 22-də Tehranın mərkəzi küçələrindən birində qətlə yetirilən yüksək rütbəli hərbçi, İslam İnqilabı Keşikçiləri Korpusunun polkovniki Həsən Səyyad Xodainin ötən ilin sentyabrında Kiprdə həbs edilərək göndərilən azərbaycanlı qatillə əlaqəsi olub.

Publika.az Teleqraf.com-a istinadla xəbər verir ki, bu barədə İsrail kəşfiyyatı məlumat yayıb. Qeyd olunur ki, O.Əsədov Xodainin sifarişi ilə israilli iş adamlarını aradan götürməli idi.

Həmçinin məlum olub ki, Xodai iki il əvvəl Amerikaya məxsus pilotsuz uçan aparatdan açılan atəşlə öldürülən Qüds İslam İnqilabı Keşikçiləri Korpusunun komandanı general Qasım Süleymaninin sağ əli olub.

İran hüquq-mühafizə orqanları Xodainin qətlində əli olanları axtarır.
İranın Tasnim xəbər agentliyi xəbər verir ki, insident mayın 22-də bazar günü günortadan sonra Tehranın mərkəzində baş verib.

Mərhum İran Müdafiə Nazirliyinin texnoloji tədqiqatlar və hərbi-sənaye kompleksinin inkişafı şöbəsinin müdirinin köməkçisi olub. İlkin məlumatlara görə, söhbət sifarişli qətldən gedir. Ən azı iki icraçı olub. Silahlılar motosikletlə hərəkət ediblər. Onlar 50 yaşlı SEPAH zabitinin olduğu avtomobilə yaxınlaşaraq atəş açıblar. Polkovnikə təxminən beş güllə atılıb. O, aldığı yaralardan yerindəcə keçinib. Qatillər qaça biliblər. Hazırda onların şəxsiyyəti müəyyənləşdirilir. SEPAH bu hadisəni terror hücumu kimi qiymətləndirib. “Mehr” xəbər agentliyinə istinadla qurumun bəyanatında deyilir ki, qətl “antiinqilabçı ünsürlər” tərəfindən həyata keçirilib.

Fars xəbər agentliyi yazıb ki, “sionist rejim”lə əlaqəsi olan bir neçə nəfər həbs edilib.

Media bildirir ki, mərhum Hizbullaha və Fələstin müqavimət qüvvələrinə dəstək verib.

İsrail mediası isə polkovnik Səyyad Hodainin İsrail vətəndaşlarına və xaricdəki İsrail hədəflərinə qarşı hücumların planlaşdırılması və hazırlanmasından məsul olduğunu bildirir. Kan Bet radiostansiyasının məlumatına görə, Türkiyə, Kipr, Keniya və Kolumbiyada terror aktları hazırlanırdı. Bütün hücumların qarşısı İsrail kəşfiyyatı “Mossad” tərəfindən alınıb.

Öldürülən polkovnikin Kiprdə həbs edilən azərbaycanlı qatil Orxan Əsədovla əlaqəsi olduğu da bildirilir. Keçən ilin sentyabrında Kiprin xüsusi xidmət orqanları milyarder Tedi Saqi də daxil olmaqla, ölkədəki yəhudi iş adamlarını məhv etmək üçün göndərilmiş Rusiya pasportlu 38 yaşlı azərbaycanlı Əsədovu həbs ediblər. Daha sonra onun bir neçə şəriki həbs edilib. Həmin vaxt İsrail hökuməti, o cümlədən müdafiə naziri Benni Qantz bildirib ki, İran kəşfiyyat orqanlarının Kiprdə yəhudi iş adamlarına qarşı planlaşdırdığı terror aktının qarşısı İsrail kəşfiyyat orqanları tərəfindən alınıb.

İsrail mediasında yer alan məlumatlara görə, Orxan Əliyevin mobil telefonunda “Hizbullah”la bağlı videolar olub. Onun Rusiyada “Hüseynçilər” təşkilatına mənsub olduğu bildirilir. Kipr polisi terror planının qarşısının son anda alındığını açıqlayıb. O.Əsədov Kiprə sentyabrın ortalarında Rusiyadan təyyarə ilə gedib, dəfələrlə adanın şimal hissəsinə keçib və geri qayıdıb. Növbəti dəfə nəzarət-buraxılış məntəqəsini keçib adanın yunan hissəsinə daxil olanda həbs olunub. Onun Moskvada meyvə-tərəvəz ticarəti və taksi fəaliyyəti ilə məşğul olduğu deyilirdi.

İndi məlum olub ki, Kiprdə israilli iş adamlarına hücumun arxasında məhz polkovnik Xodai dayanıb.

Oxumağa davam et

Hadisə

Bakıda binaya atəş açılıb? - Rəsmi AÇIQLAMA

Sosial şəbəkələrdə Bakının Xətai rayonu, Gəncə prospekti 39 ünvanında yerləşən “Xətaipark” kompleksində binanın 10-cu mərtəbəsində yerləşən mənzilin pəncərəsinə güllə dəyməsi ilə bağlı iddia yayılıb. Qeyd olunub ki, bu hal daha əvvəl də yaşanıb.

Publika.az xəbər verir ki, məsələ ilə bağlı "Qafqazinfo"nun sorğusunu cavablayan DİN-in Mətbuat Xidmətinin şöbə rəisi Elşad Hacıyev hadisənin ehtiyatsızlıqdan baş verdiyini açıqlayıb.

“Bəzi sosial şəbəkə səhifələrində yayılan infomasiyadan ərazi üzrə rayon polisi məlumatlıdır. Araşdırma aparılıb. Yaşayış evinin pəncərəsinə olan zədə odlu silahdan yox, tir tüfənginin qırmasından yaranıb. Ehtiyatsızlıqdan baş verən neqativ əməldir, tir tüfəngi olan şəxs pəncərəsinə qonan qarğanı vurmaq istəyib. Nəticəsi də məlumdur.

Əgər o qırma hansısa vətəndaşın gözünə dəysəydi, onu şikəst edə bilərdi. Tir tüfəngi, yaxud idman silahı olan şəxslər bilməlidir ki, bu kateqoriyadan olan xüsusi vasitələrin yaşayış olan ərazilərdə istifadəsi ağır nəticələrə səbəb ola bilər, xəsarətlə yanaşı, kimsə ondan stres keçirə, narahat ola, həyəcanlana bilər. Bu hal nəzərə alınmalıdır”, - o qeyd edib.

Oxumağa davam et
Reklam

Gündəm